चुकीचा टूथब्रश वापरल्याने तुमच्या तोंडाच्या आरोग्यावर वाईट परिणाम होऊ शकतो. स्वच्छ दात, निरोगी हिरड्या आणि सुंदर हास्यासाठी तुमच्या दातांनुसार सर्वोत्तम टूथब्रश कसा निवडायचा, हे जाणून घ्या.
आपण टूथब्रश विकत घेताना अनेकदा फक्त ब्रँड किंवा किंमत पाहतो. पण, आपले दात आणि हिरड्यांसाठी ब्रशचे ब्रिसल्स (केस) किती कडक किंवा मऊ आहेत, हे महत्त्वाचं असतं. चला, या चार मुख्य प्रकारांबद्दल जाणून घेऊया आणि तुमच्यासाठी कोणता योग्य आहे ते पाहूया.
28
तुम्हाला हे माहितेय का?
टूथब्रशच्या ब्रिसल्सच्या कडकपणानुसार त्याचे चार प्रकार केले जातात. हे प्रकार म्हणजे एक्स्ट्रा सॉफ्ट, सॉफ्ट, मीडियम आणि हार्ड. प्रत्येक प्रकार वेगवेगळ्या गरजेनुसार बनवलेला असतो.
38
एक्स्ट्रा सॉफ्ट ब्रश
या ब्रशचे ब्रिसल्स खूपच मऊ असतात. ज्यांच्या हिरड्यांमधून रक्त येतं, दात खूप संवेदनशील आहेत किंवा नुकतीच दातांची शस्त्रक्रिया झाली आहे, त्यांच्यासाठी हा ब्रश उत्तम आहे. हा ब्रश हिरड्यांवर कमीत कमी दाब देऊन दात स्वच्छ करतो.
बहुतेक डेंटिस्ट हाच ब्रश वापरण्याचा सल्ला देतात. निरोगी दात आणि हिरड्या असलेल्या जवळपास प्रत्येकासाठी हा एक उत्तम पर्याय आहे. याचे मऊ ब्रिसल्स हिरड्यांना इजा न करता दातांवरील प्लाक (पिवळा थर) सहज काढतात.
58
मीडियम सॉफ्ट ब्रश
या ब्रशचे ब्रिसल्स थोडे कडक असतात. जर तुम्ही खूप चहा किंवा कॉफी पित असाल आणि त्यामुळे दातांवर डाग पडले असतील, तर हा ब्रश उपयोगी ठरू शकतो. पण काळजी घ्या! या ब्रशने जास्त जोर लावून घासल्यास हिरड्यांना नुकसान होऊ शकतं.
68
हार्ड ब्रश बिसल्स
हार्ड ब्रशचे ब्रिसल्स खूप कडक असतात. डेंटिस्ट सहसा रोजच्या वापरासाठी याची शिफारस करत नाहीत. रोज वापरल्यास दातांचे संरक्षक कवच, म्हणजे इनॅमल (enamel), झिजून जाऊ शकते. इतकंच नाही, तर हिरड्या खाली सरकू शकतात, ज्याला 'गम रिसेशन' (gum recession) म्हणतात.
78
लहान मुलांसाठी कोणता ब्रश वापरावा?
लहान मुलांच्या हिरड्या खूप नाजूक असतात, त्यामुळे हार्ड ब्रशमुळे त्यांना सहज इजा होऊ शकते किंवा रक्त येऊ शकतं. तुमचे दात संवेदनशील असतील, तर हार्ड ब्रश वापरल्याने वेदना आणखी वाढू शकतात आणि दातांची मुळं उघडी पडण्याचा धोका असतो.
88
योग्य ब्रश असा निवडा
डेंटल एक्सपर्ट्सच्या मते, बहुतेक लोकांसाठी सॉफ्ट-ब्रिसल्ड ब्रश सर्वात सुरक्षित पर्याय आहे. लक्षात ठेवा, दर तीन महिन्यांनी तुमचा टूथब्रश बदला. ब्रशचे केस वाकलेले दिसल्यास त्याआधीही बदलू शकता. आणि हो, निरोगी दातांसाठी दिवसातून दोनदा ब्रश करणे महत्त्वाचे आहे.
