Ganesh Chaturthi 2024 : जापानसह या पाश्चिमात्य देशांमध्ये केली जाते गणपतीची पूजा
Ganesh Chaturthi 2024 : भारतात येत्या 7 सप्टेंबरपासून गणेशोत्सवाला सुरुवात होणार आहे. गणरायाच्या आगमनाची प्रत्येक वर्षी आवर्जुन वाट पाहिली जाते. पण तुम्हाला माहितेय का, भारताबाहेर परदेशातही गणपतीची काही मंदिरे असून तेथेही गणेशोत्सव साजरा केला जातो.
Chanda Mandavkar
)
गणपती बाप्पाला बुद्धिची देवता, आराध्यदैवत अशा काही नावांनी ओखळले जाते. भारतात कोणतेही शुभ काम करण्याआधी बहुतांशजण गणपतीची पूजा करतात. पण भारताबाहेर देखील गणपतीची पूजा केली जाते. नेपाळमध्ये गणेश मंदिराची स्थापना सर्वप्रथम पहिला सम्राट अशोक यांची पुत्री चारुमित्राने केली होती. नेपाळमधील नागरिक गणपतीला सिद्धिदाता आणि विघ्नहर्त्याच्या रुपात मानतात. आयुष्यातील समस्या दूर करण्यासाठी जपानमध्ये गणपतीची पूजा केली जाते. याशिवाय चीनमध्ये प्राचीन हिंदू मंदिरांमध्ये चहूबाजूंच्या दरवाज्यांवर गणपतीची स्थापना करण्यात आली आहे. एवढेच नव्ह तिब्बेटमध्येही गणपतीची पूजा केली जाते. जाणून घेऊया जापानसह अन्य कोणत्या देशांमध्ये गणपतीची मंदिरे आहेत याबद्दल सविस्तर…