दारूमध्ये पाणी मिसळावं की सोडा, हा प्रश्न अनेकांना पडतो. काही जण तर बर्फाचे तुकडे टाकून पितात. पण नक्की दारूत काय मिसळायला हवं? आणि त्याचे शरीरावर काय परिणाम होतात? जाणून घेऊया.
दारू पिणाऱ्यांची संख्या मोठी आहे. पण अनेकांच्या मनात एक मोठा प्रश्न असतो - ड्रिंक्समध्ये पाणी मिसळावं की सोडा? बर्फ का टाकावा? यावर आरोग्य तज्ज्ञ डॉ. राजू यांनी वैज्ञानिक उत्तरं दिली आहेत. डॉ. राजू सांगतात की, आपलं शरीर, हृदय किंवा लिव्हर कधीच दारूसारखं पेय मागत नाही. शरीराला त्याची गरजच नसते. लोक फक्त मानसिक समाधानासाठी दारू पितात. दारूत वेगवेगळ्या गोष्टी मिसळल्या की शरीरावर होणारे परिणामही वेगवेगळे असतात.
23
बर्फाचे तुकडे टाकल्यास
अनेक जण ड्रिंक्समध्ये बर्फाचे तुकडे टाकून पितात. डॉ. राजू सांगतात की, बर्फामुळे तोंडातील नसा बधीर होतात. त्यामुळे दारूची कडवट चव जाणवत नाही. **सोडा मिसळल्यास काय होतं?**
जेव्हा तुम्ही दारूत सोडा मिसळता, तेव्हा त्यातील गॅस पोटातली दारू वेगाने लहान आतड्यात ढकलतो. यामुळे अल्कोहोल रक्तात खूप वेगाने मिसळतं आणि 'किक' लवकर बसते. शरीरावर जलद परिणाम करणारी ही पद्धत आहे. **कोल्ड्रिंक्स मिसळल्यास?**
स्प्राइट किंवा इतर कोल्ड्रिंक्स मिसळल्यास, त्यातील ग्लुकोज (साखर) शरीरातील शुगर लेव्हल वाढवतं. यामुळे शरीर डिहायड्रेट होतं. म्हणूनच दुसऱ्या दिवशी तीव्र हँगओव्हर आणि डोकेदुखीचा त्रास होतो, असा इशारा डॉ. राजू यांनी दिला आहे.
33
एक ग्लास कॉकटेल प्यायल्यास
ज्यूस, फळं आणि वेगवेगळ्या फ्लेवर्सनी बनवलेल्या कॉकटेल्समध्ये साखर आणि कॅलरीज खूप जास्त असतात. डॉ. राजू यांच्या मते, एक ग्लास कॉकटेल प्यायल्यास, एका वेळेच्या जेवणाएवढ्या कॅलरीज शरीराला मिळतात. दारू पिणं आरोग्यासाठी कधीच चांगलं नाही. जर ही सवय सोडू शकत नसाल, तर शक्य तितक्या कमी प्रमाणात प्या. शरीराला कमीत कमी नुकसान होईल याची काळजी घेणं खूप महत्त्वाचं आहे, असा सल्ला डॉ. राजू यांनी दिला आहे.
