जास्त प्रमाणात कांद्याचे सेवन करता? आरोग्यासंबंधित होऊ शकतात या समस्या

कच्चा कांदा पचनाच्या समस्या निर्माण करू शकतो. ज्यांना 'फ्रक्टन्स' (Fructans) नावाच्या घटकाची ॲलर्जी आहे, त्यांना पोट फुगणे, गॅस आणि जुलाब यांसारख्या समस्या होऊ शकतात.

जास्त कच्चा कांदा खाल्ल्याने तोंडाला दुर्गंधी येते. कांद्याचा उग्र वास आणि त्यातील सल्फर कंपाऊंड्स हे यामागील मुख्य कारण आहे.

जास्त कांदा खाल्ल्याने काही लोकांना छातीत जळजळ आणि ॲसिड रिफ्लक्सचा त्रास होऊ शकतो. यामुळे पोटातील ॲसिड अन्ननलिकेत परत येण्याची समस्या उद्भवते.

काही लोकांना कांद्याची ॲलर्जी असू शकते. कांदा खाल्ल्यानंतर किंवा त्याच्या संपर्कात आल्यानंतर त्वचेवर पुरळ, खाज किंवा इतर ॲलर्जीची लक्षणं दिसू शकतात.

कच्चा कांदा खाल्ल्याने किंवा हाताळल्याने 'कॉन्टॅक्ट डर्माटायटिस' (Contact Dermatitis) नावाची त्वचेची समस्या होऊ शकते. यामुळे त्वचा लाल होते, खाज सुटते आणि फोड येतात.