Asian Para Games: १४ ते ११४ पदकांचा प्रवास, पंतप्रधान मोदींकडून पॅरा ॲथलीट्सचं कौतुक
सार
एशियन पॅरा गेम्समध्ये भारताने १४ वरून थेट ११४ पदकांपर्यंत मजल मारली आहे. गुरुवारी नवी दिल्लीत पंतप्रधान नरेंद्र मोदी यांनी पॅरा ॲथलीट्सची भेट घेत त्यांच्या या ऐतिहासिक कामगिरीचं भरभरून कौतुक केलं.
एशियन पॅरा गेम्समध्ये भारताने यंदा जबरदस्त कामगिरी केली आहे. २०१० च्या पहिल्या स्पर्धेत भारताला फक्त १४ पदकं मिळाली होती, पण २०२६ मध्ये हा आकडा थेट ११४ वर पोहोचला आहे. गुरुवारी पंतप्रधान नरेंद्र मोदी यांनी पॅरा ॲथलीट्सची भेट घेतली आणि त्यांच्या जिद्दीचं, टॅलेंटचं खूप कौतुक केलं.
पंतप्रधान मोदींची पॅरा ॲथलीट्ससोबत भेट
नवी दिल्लीतल्या इंदिरा गांधी स्पोर्ट्स कॉम्प्लेक्समध्ये पंतप्रधानांनी खेळाडूंची भेट घेतली. यावेळी केंद्रीय क्रीडामंत्री मनसुख मांडविया आणि युवा व क्रीडा राज्यमंत्री रक्षा खडसे हेसुद्धा उपस्थित होते. खेळाडूंशी गप्पा मारल्यानंतर मोदींनी 'एक्स' (X) वर एक पोस्ट केली. त्यात ते म्हणाले, १४ वरून ११४ पर्यंत पोहोचणं हा फक्त एक आकडा नाही, तर हे आपल्या खेळाडूंच्या टॅलेंटचं आणि क्षमतेचं प्रमाण आहे. यंदा भारताने ३० सुवर्णपदकं, ५ वर्ल्ड रेकॉर्ड आणि ९ एशियन रेकॉर्ड बनवले आहेत. एवढंच नाही तर ४ इव्हेंट्समध्ये तर तिन्ही पदकं भारतीयांनीच जिंकली आहेत.
पंतप्रधान मोदींची सोशल मीडिया पोस्ट
पंतप्रधानांनी त्यांच्या पोस्टमध्ये पुढे सांगितलं, "मला सगळ्यात जास्त आवडलेल्या दोन गोष्टी म्हणजे— ६१ खेळाडू पहिल्यांदाच एशियन पॅरा गेम्समध्ये उतरले होते, त्यापैकी ३६ जणांनी पदकं जिंकली. आणि ५६ महिला खेळाडूंपैकी ३४ जणींनी पदकं मिळवली आहेत!" ते म्हणाले की, जिद्द असेल तर कोणतंच स्वप्न मोठं नसतं, हे आपल्या खेळाडूंनी सिद्ध करून दाखवलं आहे. आधी मुलं खेळात करिअर करायला गेली की समाज नावं ठेवायचा, पण आता ते दिवस गेले. आता तुमच्यात टॅलेंट असेल तर संपूर्ण देश तुमच्या पाठीशी उभा राहतो.
1️⃣4️⃣ to 1️⃣1️⃣4️⃣
On one hand this is a number…a statistic of India’s rise in the Asian Para Games.
But, importantly, this meteoric rise suggests something else…the immense potential and talent of our athletes.
This year we had:
30 Gold Medals + 5 World Records + 9 Asian Records + 4 events where Indians swept the entire podium!
Two of my favourite data points:
Of the 61 athletes making their Asian Para Games debut, 36 came back home with medals.
There are 34 medal winners among 56 women athletes!
Our athletes have shown that no dream is too big and no challenge too great when there is determination.
Those days are long over when society frowned upon youngsters who wanted to pursue sports.
Now, if you have the talent, India will support you and cheer for you.
Come, play and shine!
— Narendra Modi (@narendramodi) November 5, 2026
मागच्या वेळच्या तुलनेत यंदा भारताची कामगिरी खूपच भारी झाली आहे. मागच्या वेळी हांगझोऊमध्ये ३०९ खेळाडूंनी १०८ पदकं (२७ सुवर्ण, ३२ रौप्य, ४९ कांस्य) जिंकली होती. पण यंदा आयची-नागोयामध्ये फक्त १६८ पॅरा ॲथलीट्सनी ११४ पदकं जिंकून देशाची मान अभिमानाने उंचावली आहे.