तुकाराम मुंढेंची K Rustom Ice Cream Parlour वर कारवाई | FDA | Hygiene | FoodSafety

मुंबईतील चर्चगेटजवळील प्रसिद्ध K Rustom Ice Cream Parlour वर महाराष्ट्र अन्न व औषध प्रशासनाने (FDA) मोठी कारवाई केली आहे. FDA आयुक्त तुकाराम मुंढे यांच्या निर्देशानुसार झालेल्या तपासणीत स्वच्छता व अन्नसुरक्षा नियमांचे गंभीर उल्लंघन आढळल्याने पार्लरचा परवाना निलंबित करण्यात आला आहे. तपासणीदरम्यान कालबाह्य कृत्रिम फ्लेवरिंग एजंट्स आणि इसेन्स मोठ्या प्रमाणात सापडले असून ते जागेवरच नष्ट करण्यात आले. तसेच दुकान आणि स्टोरेज परिसरात जिवंत उंदीर व माश्या आढळल्या. आईस्क्रीमचे नमुने प्रयोगशाळेत तपासणीसाठी पाठवण्यात आले असून अहवाल येईपर्यंत पार्लर बंद ठेवण्याचे आदेश देण्यात आले आहेत. तपासणीत कोल्ड चेनचे नियमही पाळले जात नसल्याचे निदर्शनास आले.