पंतप्रधान नरेंद्र मोदींच्या इंडोनेशिया दौऱ्यावरील पोस्टवरून काँग्रेस वादात; भाजपसह मित्रपक्षांकडूनही तीव्र टीका
सार
पंतप्रधान नरेंद्र मोदी यांच्या इंडोनेशिया दौऱ्यातील व्हिडीओला महाराष्ट्र काँग्रेसने दिलेल्या कॅप्शनवरून मोठा वाद निर्माण झाला आहे. भाजपने काँग्रेसवर महिलांविरोधी आणि अशोभनीय मानसिकतेचा आरोप केला आहे.
मुंबई : पंतप्रधान नरेंद्र मोदी यांच्या अलीकडील इंडोनेशिया दौऱ्यादरम्यानचा एक व्हिडीओ सोशल मीडियावर काँग्रेसकडून शेअर करण्यात आला. या प्रकरणात महाराष्ट्रातील काँग्रेस पक्ष वादाच्या कचाट्यात सापडला आहे. काँग्रेसच्या अधिकृत सोशल मीडिया हँडलवरून करण्यात आलेल्या या पोस्टवर भाजपने तीव्र आक्षेप घेतला आहे. महिलांबाबत आक्षेपार्ह आणि अशोभनीय टिप्पणी केल्याचा आरोप यामध्ये केला आहे. विशेष म्हणजे या पोस्टवर विरोधी आघाडीतील काही नेत्यांनीही नाराजी व्यक्त केली आहे.
नेमकं प्रकरण काय?
महाराष्ट्र काँग्रेसच्या सोशल मीडियावरील प्लॅटफॉर्म 'X' हँडलवरून पंतप्रधान नरेंद्र मोदी यांच्या इंडोनेशिया दौऱ्यातील एक व्हिडीओ शेअर करण्यात आला होता. या व्हिडीओमध्ये मोदी यांच्यासोबत इंडोनेशियाच्या संसद अध्यक्षा पुआन महारानी बसलेल्या दिसत होत्या. या पोस्टला "Control Uday, Control" असे कॅप्शन देण्यात आले होते. वाद निर्माण झाल्यानंतर ही पोस्ट हटवण्यात आली. मात्र, काँग्रेसचे प्रवक्ते सुरेंद्र राजपूत यांच्या अकाउंटवर ही पोस्ट अद्याप असल्याचा दावा केला जात आहे.
Control Uday Control pic.twitter.com/FNnOXecdTh
— Surendra Rajput (@ssrajputINC) July 7, 2026
भाजपचा काँग्रेसवर हल्लाबोल
या पोस्टनंतर भाजपच्या महाराष्ट्र युनिटने काँग्रेसवर जोरदार टीका केली. काँग्रेसने व्हिडीओचा चुकीच्या पद्धतीने अर्थ घेतला. तसेच महिलांविरोधी मानसिकता कशी आहे हे दाखवून दिल्याचा आरोप भाजपने केला. भाजपने म्हटले की, भारताचे पंतप्रधान ज्या कार्यक्रमात 140 कोटी भारतीयांचे प्रतिनिधित्व करत होते आणि ज्या देशाने त्यांना सर्वोच्च नागरी सन्मान दिला, त्या कार्यक्रमातील व्हिडीओचे चुकीच्या पद्धतीने सादरीकरण करण्यात आले.
नेहमीप्रमाणे काँग्रेसने आक्षेपार्ह पोस्ट डिलीट करून पळ काढला.
१४० कोटी भारतीयांचे प्रतिनिधित्व जिथे भारताचे पंतप्रधान करत होते आणि ज्या देशाने त्यांना सर्वोच्च नागरी पुरस्काराने सन्मानित केले, तिथला व्हिडिओ अतिशय विकृतपणे एडिट करून काँग्रेसने आपल्या महिला विरोधी गलिच्छ… pic.twitter.com/GPLHIoAzh9— भाजपा महाराष्ट्र (@BJP4Maharashtra) July 8, 2026
शहजाद पूनावाला यांची टीका
भाजपचे राष्ट्रीय प्रवक्ते शहजाद पूनावाला यांनी या पोस्टला "अत्यंत घृणास्पद" म्हटले. काँग्रेसकडून सभ्यतेच्या सर्व मर्यादा ओलांडल्याचा गेल्या आहेत. पंतप्रधान नरेंद्र मोदी आणि त्यांच्या कुटुंबीयांवर यापूर्वीही वैयक्तिक पातळीवर टीका करण्यात आली होती. याचा देखील उल्लेख शहजाद पूनावाला यांनी केला.
भाजप महिला मोर्चाची प्रतिक्रिया
भाजप महिला मोर्चानेही या पोस्टचा निषेध केला. इंडोनेशियाच्या संसद अध्यक्षा पुआन महारानी यांच्याबाबत करण्यात आलेली टिप्पणी महिलांप्रती काँग्रेसची मानसिकता दर्शवते, असा आरोप महिला मोर्चाने केला. परदेशातील महिला नेत्या आणि भारताच्या पंतप्रधानांबाबत अशा प्रकारची भाषा वापरणे अत्यंत निषेधार्ह असल्याचे त्यांनी म्हटले.
ये है कांग्रेस का असली नारी सम्मान !
इन कांग्रेसियों की बेशर्मी देखिए, देश के प्रधानमंत्री श्री नरेन्द्र मोदी जी के साथ बैठी इंडोनेशिया संसद की अध्यक्षा पुआन महारानी की एक तस्वीर पर इतनी नीच और घटिया मानसिकता का परिचय देते हुए जो टिप्पणी की गई है, इससे महिलाओं के प्रति कांग्रेस… pic.twitter.com/CrSVMp6Bnq— BJP Mahila Morcha (@BJPMahilaMorcha) July 8, 2026
तजिंदर बग्गा यांचाही निशाणा
भाजप युवा मोर्चाचे राष्ट्रीय सचिव तजिंदर बग्गा यांनी काँग्रेसवर टीका केली. बग्गा यांनी म्हटले की, पक्षाचे अधिकृत सोशल मीडिया हँडल एखाद्या 'ट्रोल पेज'प्रमाणे वागत आहे. राजनैतिक कार्यक्रमातील व्हिडीओवरून खालच्या पातळीवरील राजकारण केल्यामुळे जनतेत काँग्रेसची प्रतिमा आणखी खराब होत असल्याचे त्यांनी म्हटले.
Imagine representing a national party and behaving like a troll page obsessed with cheap innuendo from a diplomatic event.
Congress is proving every day why people stopped taking it seriously. pic.twitter.com/cAN15RPHGW— Tajinder Bagga (@TajinderBagga) July 8, 2026
मित्रपक्षांकडूनही नाराजी
या वादावर काँग्रेसच्या मित्रपक्षांकडूनही प्रतिक्रिया उमटल्या. शिवसेना (उद्धव बाळासाहेब ठाकरे) नेत्या आणि माजी खासदार प्रियांका चतुर्वेदी यांनी या पोस्टवर नाराजी व्यक्त केली. "एखाद्या अधिकृत पक्षाच्या सोशल मीडिया हँडलसाठी अशी पोस्ट करणे योग्य नाही. राजकीय विरोधकांवर टीका करताना महिलांकडे वस्तू म्हणून पाहणे थांबवावे," असे त्यांनी म्हटले.
This is so unbecoming of an official Congress handle. Stop looking at women as some objects just to hit out at the opponent. Do better. pic.twitter.com/uaYWEYON72
— Priyanka Chaturvedi🇮🇳 (@priyankac19) July 8, 2026
राजकीय वातावरण तापले
या घटनेनंतर भाजप आणि काँग्रेस यांच्यातील राजकीय संघर्ष पुन्हा एकदा समोर आला आहे. भाजपने काँग्रेसवर राजकीय चर्चेची पातळी सोडल्याचा आरोप केला आहे. तसेच या प्रकारामुळे राजकीय पक्षांनी सार्वजनिक संवादात अधिक जबाबदारी आणि सभ्यता पाळण्याची गरज असल्याची चर्चा सुरू झाली आहे.