'फक्त माझ्या मनालाच माहिती', कोणत्या कारणासाठी दिल्लीचे CM केजरीवालांना हवाय नोबेल पुरस्कार?
दिल्लीचे मुख्यमंत्री अरविंद केजरीवाल हे ईडी प्रकरणामुळे सध्या चर्चेत आले आहेत. त्यांनी भाजपवर टीका केली आहे.
vivek panmand
Delhi Government : दिल्लीचे मुख्यमंत्री आणि आम आदमी पार्टीचे (आप) राष्ट्रीय संयोजक अरविंद केजरीवाल (Arvind Kejriwal) ईडी प्रकरणामुळे सध्या चर्चेत आहेत. मात्र, यावेळी ते एका वक्तव्यामुळे चांगलेच चर्चेत आले आहेत. काल रविवारी (25 फेब्रुवारी) एका सभेला संबोधित करताना ते म्हणाले की, सरकार चालवण्यात मला किती अडचणी येत आहेत हे फक्त माझ्या मनालाच माहीत आहे. देशाची राजधानी दिल्लीत सरकार चालवल्याबद्दल नोबेल पारितोषिक मिळायला हवे. पाणी बिलावरील आंदोलनादरम्यान ते कार्यकर्त्यांना संबोधित करत होते. आपल्या भाषणादरम्यान त्यांनी भारतीय जनता पक्षाच्या नेतृत्वाखालीलल केंद्र सरकारवर जोरदार टीकास्त्र सोडले.
पक्ष कार्यकर्त्यांना संबोधित करताना मुख्यमंत्री केजरीवाल म्हणाले की, भाजपने दिल्लीतील शाळा आणि रुग्णालयांचे बांधकाम रोखण्याचा प्रयत्न केला. गरिबांना त्यांच्या मुलांसारखे शिक्षण मिळावे असे त्यांना वाटत नाही. प्रलंबित पाणी बिलांच्या वन टाईम सेटलमेंट विधेयकाची अंमलबजावणी करण्यापासून आप सरकारने अडथळे आणल्याबद्दलही त्यांनी केंद्रावर हल्लाबोल केला. केजरीवाल म्हणाले की, सरकारी अधिकारी आप सरकारचे आदेश घेत नाहीत कारण त्यांना केंद्राची भीती वाटते.
मुख्यमंत्री केजरीवाल यांनी भाजपवर केला आरोप
मुख्यमंत्री केजरीवाल यांनी आपल्या भाषणात सांगितले की, दिल्ली जल बोर्डाने वन टाईम सेटलमेंट बिल योजना पास केली आहे. आता ही योजना कॅबिनेटमध्ये पास व्हायची आहे. भाजपने एलजीला हे विधेयक थांबवण्यास सांगितले आहे. त्यासाठी स्वतंत्र अधिकाऱ्यांना धमकावण्यात आले असून ते रडत आहेत. मनीष सिसोदिया आणि सत्येंद्र जैन तुरुंगात असल्याप्रमाणे ही योजना मंत्रिमंडळात आल्यास ती स्थगित केली जाईल, अशी धमकी आम्हाला देण्यात आल्याचे अधिकाऱ्यांचे म्हणणे आहे.
आणखी वाचा -
Railway Project : पंतप्रधान नरेंद्र मोदी यांच्या हस्ते आज देशात 41 हजार कोटी रुपयांच्या रेल्वे प्रकल्पांचे उद्घाटन
ज्ञानवापीच्या तहखान्यात हिंदूंना पूजा-प्रार्थना करण्यास परवानगी कायम, मुस्लिम पक्षाने दाखल केलेली याचिका अलहाबाद उच्च न्यायालयाने फेटाळली
Sudarshan Setu : पंतप्रधान नरेंद्र मोदींनी द्वारकेत श्रद्धेने केले स्नान, श्रीकृष्णाच्या द्वारका नगरीला दिली भेट
)
)
)
)