संसद भवनासमोर तरुणाने स्वतःला घेतलं पेटवून
नवी दिल्ली: संसद भवनासमोर उत्तर प्रदेशातील बागपत येथील जितेंद्र नावाच्या व्यक्तीने बुधवारी स्वतःला पेटवून घेतले. त्याची प्रकृती गंभीर आहे आणि त्याला RML रुग्णालयात दाखल करण्यात आले आहे.
ही घटना रेल्वे भवनजवळ घडली. दिल्ली पोलिसांनी परिसरात बंदोबस्त वाढवला आहे. स्थानिक पोलिस, रेल्वे पोलिस आणि काही नागरिकांनी मिळून जळत असलेल्या व्यक्तीचे प्राण वाचवले. त्याच्या शरीराला आग लागली असता लोकांनी तातडीने आग विझवली. यानंतर युवकाला रुग्णालयात नेण्यात आले.
वैयक्तिक वादाशी संबंधित प्रकरण
हे प्रकरण जितेंद्रच्या बागपतमधील वैयक्तिक वादाशी संबंधित असल्याचे प्राथमिक तपासात समोर आले आहे. एका पोलीस अधिकाऱ्याने सांगितले की, हे प्रकरण बागपतमधील वैयक्तिक वादाशी संबंधित आहे. पुढील तपास सुरू आहे. परिसरावर बारकाईने लक्ष ठेवले जात आहे. अधिकारी या घटनेच्या कारणाचा तपास करत आहेत.
अर्धवट जळालेल्या दोन पानांच्या नोट सापडल्या
घटनेच्या वेळी उपस्थित असलेल्या लोकांनी दिलेल्या माहितीनुसार, तरुणाने स्वतःवर पेट्रोल ओतून स्वतःला पेटवून घेतले. तो गंभीर भाजला आहे. घटनास्थळी अर्धवट जळालेल्या दोन पानांच्या नोट सापडल्या. पोलीस अधिकाऱ्यांनी घटनास्थळावरून पेट्रोलही जप्त केले आहे. दिल्ली पोलिसांच्या फॉरेन्सिक टीमचे अधिकारी घटनास्थळी पोहोचले आहेत.
डीसीपी देवेश कुमार महला यांनी सांगितले की, जितेंद्रविरुद्ध बागपत येथे एक केस दाखल आहे, ज्यामुळे तो त्रस्त होता. सध्या कोणतीही सुसाईड नोट सापडलेली नाही. त्याला रुग्णालयात पाठवले आहे. पुढील तपास सुरू आहे.
आणखी वाचा-