मिर्झापूर सिझन 3 कधी होणार रिलीज ? पंकज त्रिपाठीपासून अली फजलपर्यंत सगळ्यांनाच प्रश्न

मिर्झापूर सीझन 3 कधी रिलीज होत आहे? हा प्रश्न सर्वांच्याच ओठावर आहे. प्राइम व्हिडिओच्या या वेब सीरिजचे चाहतेच नाही तर पंकज त्रिपाठी आणि अली फजलही हा प्रश्न विचारत आहेत. 

कोणती वेब सिरीज कोणत्या OTT प्लॅटफॉर्मवर आणि कधी रिलीज होणार याबाबत चाहत्यांमध्ये प्रचंड उत्सुकता आहे. ओटीटी प्लॅटफॉर्म ही उत्सुकता आणखी वाढवण्याचे काम करतात. काही दिवसांपूर्वीच, Amazon Prime Video च्या पंचाईतच्या पुढच्या सीझनच्या रिलीजच्या तारखेसंदर्भात अनेक क्रिएटिव्ह पोस्ट्स पाहण्यात आल्या होत्या.आता मिर्झापूर सीझन 3 ची उत्सुकता शिगेला पोहोचली आहे. ज्याच्या रिलीजच्या तारखेबद्दल OTT प्लॅटफॉर्मने एक मनोरंजक पोस्ट शेअर केली आहे. या पोस्टमध्ये काही वेगळे चित्र आहेत. ज्यामध्ये शोचे इतर कलाकार पंकज त्रिपाठी, अली फजल स्वतः मिर्झापूरची रिलीज डेट जाणून घेण्यासाठी उत्सुक आहेत.

सगळीकडे मिर्झापूर सिझन ३ केव्हा येणार चर्चा ?

ॲमेझॉन प्राइम व्हिडिओ आणि ये है मिर्झापूरच्या इन्स्टाग्राम अकाऊंटने संयुक्त पोस्ट शेअर केली आहे. या पोस्टमध्ये वेगवेगळे फोटो आहेत आणि प्रत्येक फोटो मिर्झापूर सीझन 3 बद्दल उत्सुकता वाढवत आहे. पहिल्या फोटोमध्ये पंकज त्रिपाठी फोनवर कोणाशी तरी बोलत असल्याचे दिसत आहे. त्यावर लिहिलेले कॅप्शन, मिर्झापूर सीझन 3 सध्या खूप ऐकायला मिळत आहे. दुसऱ्या फोटोत अली फजल आणि आणखी एक कलाकार दिसत आहेत. त्यावर कॅप्शन लिहिले आहे. सांगितल नाहीस तर कहर होईल. मिर्झापूर सीझन 3? पुढच्या फोटोत पुन्हा लिहिलं आहे, आता सांगा, मिर्झापूर सीझन 3? या कॅप्शनमध्येही फक्त पंकज त्रिपाठी दिसत आहेत. त्याच्या पुढील फोटोमध्ये पंकज त्रिपाठी आणि आणखी एक कलाकार पुन्हा दिसले आहेत. कॅप्शन लिहिले आहे. मिर्झापूर सीझन 3 ची तारीख तरी सांगा? शेवटच्या फोटोमध्ये दोन कलाकार दिसत आहेत आणि कॅप्शन लिहिले आहे, शेवटच्या वेळी आदराने विचारत आहे, मिर्झापूर सीझन 3? प्राईम व्हिडिओने स्वतः पोस्टच्या कॅप्शनमध्ये लिहिले आहे, गोंधळ होणार आहे का?

या पोस्टमुळे मिर्झापूर सीझन थ्रीच्या रिलीजची जितकी चर्चा होत आहे, तितकेच चाहते खरी तारीख जाणून घेण्यासाठी उत्सुक आहेत. एका चाहत्याने टिप्पणी विभागात लिहिले की तारीख जाणून घेण्यासाठी त्याने वरपासून खालपर्यंत स्क्रोल केले. पण काहीही सापडले नाही. एका चाहत्याने लिहिले की, तारखेची वाट पाहणे खूप कठीण आहे. वेब सीरिजचा तिसरा सीझन जूनमध्ये रिलीज होईल, असा अंदाज काही यूजर्सनी व्यक्त केला आहे.

आणखी वाचा :