Lionel Messi: वडिलांच्या निधनाने मेस्सीवर दुःखाचा डोंगर, फुटबॉल कारकिर्दीचा होते आधारस्तंभ

फुटबॉलचा सुपरस्टार लिओनेल मेस्सीचे वडील आणि एजंट असलेले जॉर्ज मेस्सी यांचं रोझारिओ इथं वयाच्या ६८ व्या वर्षी निधन झालं आहे. ते गेल्या काही काळापासून आजारी होते. २०२२ च्या वर्ल्ड कपदरम्यान त्यांच्या आजारपणाबद्दल कुटुंबीयांनी माहिती दिली होती. आपल्या मुलाच्या कारकिर्दीत जॉर्ज यांची खूप महत्त्वाची भूमिका होती.

अर्जेंटिनाचा कर्णधार आणि फुटबॉलचा सुपरस्टार लिओनेल मेस्सीचे वडील जॉर्ज मेस्सी यांचं वयाच्या ६८ व्या वर्षी निधन झालं आहे. अर्जेंटिनामधील 'ला नेसिओन' या वृत्तसंस्थेने ही बातमी दिली आहे. रोझारिओ शहरातील एका क्लिनिकमध्ये त्यांच्यावर उपचार सुरू होते.

वर्ल्ड कपदरम्यान आजारपणाची माहिती समोर

विशेष म्हणजे, जॉर्ज मेस्सी हे गेल्या काही काळापासून आजारी होते. त्यांच्या कुटुंबीयांनी फिफा वर्ल्ड कप २०२६ दरम्यान त्यांच्या प्रकृतीबद्दल माहिती दिली होती. १८ जून रोजी अल्जेरियाविरुद्ध अर्जेंटिनाच्या २०२६ वर्ल्ड कपच्या सलामीच्या सामन्यानंतर लिओनेल मेस्सीच्या वडिलांच्या प्रकृतीबद्दल चिंता व्यक्त करणाऱ्या बातम्या समोर आल्या होत्या. काही तासांनंतर, मेस्सी कुटुंबीयांनी त्यांच्या मृत्यूच्या अफवा फेटाळून लावल्या आणि ते आजारी असून त्यांच्यावर उपचार सुरू असल्याचं स्पष्ट केलं होतं. "जॉर्ज यांना प्रकृतीची समस्या आहे. ते सध्या वैद्यकीय देखरेखीखाली असून, त्यांच्या प्रकृतीत सुधारणा होत आहे," असं कुटुंबीयांनी सांगितलं होतं.

अल्जेरियाविरुद्ध अर्जेंटिनाच्या ३-० ने झालेल्या विजयानंतर, लिओनेल मेस्सीने हॅटट्रिक केली होती. त्यातील पहिला गोल केल्यानंतर तो खूप भावूक झाला होता. याबद्दल बोलताना त्याने खुलासा केला की तो काही कठीण दिवसांमधून जात होता. 'ला नेसिओन'च्या वृत्तानुसार मेस्सी म्हणाला होता, "मी काही कठीण दिवसांमधून गेलो आहे. त्याचा खेळाशी काहीही संबंध नव्हता. ते दिवस माझ्यासाठी खूप अवघड आणि गुंतागुंतीचे होते. मी माझ्या टीममधील सहकाऱ्यांचा आभारी आहे. ते नेहमी माझ्या पाठीशी उभे राहिले आणि यातून बाहेर पडण्यासाठी त्यांनी मला ताकद दिली."

मुलाच्या कारकिर्दीतील महत्त्वाची भूमिका

जॉर्ज मेस्सी हे केवळ लिओनेल मेस्सीचे वडील नव्हते, तर त्यांनी त्याच्या फुटबॉल कारकिर्दीला आकार देण्यातही महत्त्वाची भूमिका बजावली. अनेक वर्षे स्टील फॅक्टरीत सुपरवायझर म्हणून काम केल्यानंतर, लिओनेल मेस्सीची कारकीर्द सुरू झाल्यावर जॉर्ज त्याचे एजंट आणि स्ट्रॅटेजिक सल्लागार बनले. 'नेवेल्स ओल्ड बॉईज' क्लबमधील मेस्सीच्या सुरुवातीच्या काळातही जॉर्ज यांचा मोठा सहभाग होता.

बार्सिलोनामध्ये जाण्यासाठी केली मदत

जेव्हा मेस्सी १३ वर्षांचा होता, तेव्हा त्याला स्पेनमधील बार्सिलोनाच्या युथ अकादमीमध्ये दाखल करण्यासाठी जॉर्ज यांनीच मदत केली होती. मेस्सीच्या शारीरिक विकासावर परिणाम करणाऱ्या 'ग्रोथ हार्मोन डेफिशियन्सी' या आजाराच्या उपचाराचा खर्चही बार्सिलोना क्लबने उचलला होता. या उपचाराचा भाग म्हणून मेस्सीला रोज इंजेक्शन घ्यावी लागत होती, ज्यामुळे त्याची उंची १.७० मीटरपर्यंत पोहोचण्यास मदत झाली.

जॉर्ज यांचं लग्न सेलिया कुसिटिनी यांच्याशी झालं होतं आणि त्यांना लिओनेल, रॉड्रिगो, मटियास आणि मारिया सोल ही चार मुलं आहेत.