WhatsApp Update 2025: 2025चं धमाकेदार अपडेट! व्हॉट्सॲपचे हे 6 फीचर्स वापरून पाहिलेत का?

WhatsApp Update 2025: मेटाच्या इन्स्टंट-मेसेजिंग ॲप व्हॉट्सॲपने अँड्रॉइड आणि आयओएसवर सहा नवीन फीचर्स आणले आहेत. शेअर लाईव्ह आणि मोशन पिक्चर्सपासून ते नवीन स्टिकर पॅकपर्यंत, चला याबद्दल सविस्तर जाणून घेऊया. 

१. शेअर लाईव्ह आणि मोशन पिक्चर्स

व्हॉट्सॲप आता अँड्रॉइड आणि आयओएस युजर्सना लाईव्ह फोटो आणि मोशन फोटो शेअर करण्याची परवानगी देतो. फोटोंना ऑडिओ आणि ॲनिमेशन देऊन GIF मध्ये बदलता येते. हे सोशल मीडियावर व्हिडिओ म्हणून शेअर करता येतात.

२. मेटा एआय-बॅक्ड चॅट थीम्स

मेटा एआयच्या मदतीने नवीन चॅट थीम्स सादर करण्यात आले आहेत. कस्टम चॅट थीम्सद्वारे ग्राहकांना आकर्षित करण्याचा व्हॉट्सॲपचा प्रयत्न आहे.

३. मेटा एआयसह व्हिडिओ कॉल बॅकग्राउंड

हे एक असे फीचर आहे, ज्यामुळे व्हिडिओ कॉल करताना मेटा एआयच्या मदतीने आकर्षक बॅकग्राउंड तयार करता येतात.

४. अँड्रॉइडवर डॉक्युमेंट स्कॅनिंग

हे फीचर तुम्हाला थेट व्हॉट्सॲपवरून डॉक्युमेंट्स स्कॅन, एडिट आणि पाठवण्याची सोय देतं. यामुळे डॉक्युमेंट स्कॅनिंगसाठी थर्ड-पार्टी ॲप्स वापरण्याची गरज नाही.

५. सीमलेस ग्रुप सर्च

या फीचरमुळे व्हॉट्सॲपवरील ग्रुपची नावे सहजपणे शोधता येतात. ग्रुपमधील कोणत्याही व्यक्तीचे नाव शोधल्यास, तुम्ही एकत्र सदस्य असलेले सर्व ग्रुप्स दिसतील.

६. नवीन स्टिकर पॅक

या नवीन फीचरचे वैशिष्ट्य म्हणजे व्हॉट्सॲपमध्ये आकर्षक स्टिकर पॅक येत आहेत.