सणासुदीत रेल्वे तिकिटासाठी रांग? गर्दीत उभं राहायची गरज नाही!, आता घरबसल्या बुक करा रेल्वेचं जनरल तिकीट; कसं ते जाणून घ्या

How to Book General Train Tickets: आता रेल्वेचे जनरल तिकीट, प्लॅटफॉर्म तिकीट किंवा सीझन पास बुक करण्यासाठी लांब रांगेत उभे राहण्याची गरज नाही. भारतीय रेल्वेच्या UTS मोबाईल अ‍ॅपद्वारे तुम्ही घरबसल्या काही मिनिटांत डिजिटल पेमेंट करून तिकीट मिळवू शकता.

जनरल तिकीट बुकिंग झालं आता सोपं!

How to Book General Train Tickets: तुम्ही रेल्वेने प्रवास करत असाल, आणि तिकिटासाठी लांबच लांब रांगेत उभं राहणं कंटाळवाणं वाटत असेल, तर ही बातमी खास तुमच्यासाठी आहे. आता तुम्ही घरच्या घरी मोबाईलवरूनच रेल्वेचं जनरल तिकीट, प्लॅटफॉर्म तिकीट किंवा सीझन पास सहजपणे बुक करू शकता तेही काही मिनिटांत! 

तिकीट मिळवण्यासाठी उभं राहायचं झंझट संपलं!

सणासुदीचा काळ सुरू झाला की स्टेशनांवर प्रचंड गर्दी होते. जनरल तिकीट मिळवण्यासाठी तासन्‌तास रांगेत उभं राहावं लागतं. पण आता यासाठी रेल्वेने एक स्मार्ट डिजिटल पर्याय दिला आहे UTS मोबाइल अ‍ॅप! 

काय आहे UTS अ‍ॅप?

UTS (Unreserved Ticketing System) हे भारतीय रेल्वेने सुरू केलेलं अधिकृत मोबाइल अ‍ॅप आहे. CRIS (Centre for Railway Information Systems) ने हे अ‍ॅप डिझाईन केलं आहे.

या अ‍ॅपच्या माध्यमातून तुम्ही

जनरल तिकीट

प्लॅटफॉर्म तिकीट

सीझन पास

घराबसल्या बुक करू शकता. 

कशी होईल पेमेंट प्रक्रिया?

या अ‍ॅपमधून बुक केलं गेलं तिकीट डिजिटल स्वरूपात थेट तुमच्या मोबाईलवर दिसेल. तुम्ही UPI (Google Pay, PhonePe, Paytm वगैरे) चा वापर करून अगदी सुरक्षित आणि झटपट पेमेंट करू शकता. 

UTS अ‍ॅप कसं वापराल? (सोप्या स्टेप्स)

Google Play Store किंवा Apple App Store वरून "UTS" अ‍ॅप डाउनलोड करा.

मोबाईल नंबर टाका आणि अकाऊंट तयार करा.

लॉगिन करून "Book Ticket" पर्यायावर क्लिक करा.

प्रवासाचं स्टेशन, तारीख आणि आवश्यक माहिती भरून पुढे जा.

पेमेंट करा आणि तुमचं तिकीट लगेच मोबाईलवर मिळवा! 

सणासुदीच्या काळात UTS का ठरतोय फायदेशीर?

गर्दीपासून सुटका: तिकीट खिडकीवर उभं राहण्याची गरज नाही.

वेळेची बचत: काही मिनिटांत तिकीट तुमच्या फोनवर.

सुरक्षित व डिजिटल: कोणत्याही पेमेंट अ‍ॅपद्वारे पैसे द्या, आणि तिकीट तुमच्या स्क्रीनवर.

वापरण्यास अगदी सोपं: कोणत्याही वयोगटातील व्यक्ती सहज वापरू शकते. 

फक्त काही क्लिकमध्ये बुक करा जनरल तिकीट

रेल्वेचं जनरल तिकीट बुक करणं यापुढे वेळखाऊ आणि त्रासदायक नसणार! UTS अ‍ॅप वापरून तुम्ही प्रवासाला सहज आणि आरामात सुरुवात करू शकता. आता गर्दीत रांगेत उभं न राहता, फक्त काही क्लिकमध्ये तिकीट बुक करा तेही घरबसल्या!