Undercook Chicken खाल्ल्यास काय होतं माहित आहे का? जाणून घ्या AIIMS चे डॉक्टर काय सांगतात!

Undercook Chicken चे अनेक वेगवेगळे पदार्थ बनवून खाल्ले जातात. पण, हेच चिकन व्यवस्थित न शिजवता खाल्ले तर किती धोकादायक ठरू शकते, हे तुम्हाला माहीत आहे का? यामुळे कोणत्या समस्या उद्भवू शकतात? तज्ज्ञ काय म्हणतात ते जाणून घेऊया... 

चिकन

तुम्ही चिकनप्रेमी आहात का? चिकन खाणे आरोग्यासाठी चांगले आहे, कारण त्यात प्रथिने भरपूर असतात. पण ते नीट न शिजवता खाल्ल्यास आरोग्याच्या समस्या उद्भवू शकतात, असा इशारा तज्ज्ञ देतात.

डॉक्टर काय म्हणतात...

AIIMS च्या डॉक्टरांनुसार, न शिजवलेले चिकन खाल्ल्याने फूड पॉयझनिंग आणि नंतर गिलियन बॅरे सिंड्रोम होऊ शकतो. यामुळे शरीराला पक्षाघात होण्याचा धोका असतो. आता हे का होते ते पाहूया.

गिलियन बॅरे सिंड्रोम म्हणजे काय?

हा एक दुर्मिळ न्यूरोलॉजिकल आजार आहे, ज्यात रोगप्रतिकारशक्ती नसांवर हल्ला करते. यामुळे शरीरात मुंग्या येणे, स्नायू कमकुवत होणे आणि पक्षाघात होऊ शकतो.

गिलियन बॅरे सिंड्रोम आणि कच्च्या चिकनचा संबंध काय?

कच्च्या चिकनमध्ये असलेले बॅक्टेरिया जिवंत राहून शरीरात इन्फेक्शन करतात. हे बॅक्टेरिया नर्व्हस सिस्टीमपर्यंत पोहोचल्यास नसांचे कार्य बिघडते आणि पक्षाघाताचा धोका वाढतो.

ही लक्षणे दिसल्यास काय करावे?

हाता-पायांना मुंग्या येणे, चालताना त्रास, बोलताना किंवा गिळताना त्रास होणे अशी लक्षणे दिसल्यास दुर्लक्ष करू नका. त्वरित डॉक्टरांचा सल्ला घ्या. वेळेवर उपचार घेणे महत्त्वाचे आहे.