Two Wheeler Market: आर्थिक वर्ष 2026 संपत असताना, भारतीय टू-व्हीलर मार्केटमध्ये मोठी स्पर्धा सुरू आहे. हीरो मोटोकॉर्प आणि होंडा मोटरसायकल अँड स्कूटर यांच्यात विक्रीसाठी जोरदार टक्कर पाहायला मिळत आहे.
आर्थिक वर्ष 2026 च्या शेवटच्या टप्प्यात भारताची टू-व्हीलर बाजारपेठ वेगाने वाढत आहे. विशेषतः स्कूटर सेगमेंटमध्ये स्पर्धा तीव्र झाली असून, हीरो मोटोकॉर्प आणि होंडा यांच्यात जोरदार टक्कर सुरू आहे. काही महिन्यांत होंडाने आघाडी घेतली असली तरी, संपूर्ण वर्षाचा विचार केल्यास हीरोच पुढे आहे.
25
होंडाच्या अनेक नव्या ऑफर्स
विक्रीतील फरक कमी करण्यासाठी होंडाने अनेक नव्या ऑफर्स आणल्या आहेत. कंपनी विशेषतः स्कूटर मॉडेल्ससाठी डीलर्सना इन्सेंटिव्ह देऊन विक्री वाढवण्याचा प्रयत्न करत आहे. गेल्या काही महिन्यांपासून होंडाने आपला मार्केट शेअर वाढवण्यासाठी अनेक ऑफर्स सादर केल्या आहेत.
35
इलेक्ट्रिक स्कूटर्स आणि 125cc पेट्रोल मॉडेल्सना मागणी
SIAM च्या आकडेवारीनुसार, आर्थिक वर्ष '26 च्या पहिल्या 11 महिन्यांत स्कूटरची विक्री 17.7% ने वाढून 73 लाख युनिट्सवर पोहोचली आहे. पण होंडाच्या स्कूटरची विक्री फक्त 7.7% ने वाढून 28 लाख युनिट्स झाली. यामागे इलेक्ट्रिक स्कूटर्स आणि 125cc पेट्रोल मॉडेल्सची वाढती मागणी हे मुख्य कारण आहे.
होंडाने इलेक्ट्रिक वाहन बाजारात उशिरा प्रवेश केल्यामुळे कंपनीला काही अडचणींचा सामना करावा लागला. विशेषतः काही मॉडेल्सच्या रेंजबाबत तक्रारी आल्या होत्या. दरम्यान, टीव्हीएस आणि बजाजसारख्या कंपन्या नवीन इलेक्ट्रिक मॉडेल्ससह आघाडीवर आहेत. त्यामुळे होंडा सध्या पेट्रोल स्कूटर सेगमेंटवर जास्त लक्ष केंद्रित करत आहे.
55
हीरो मोटोकॉर्पला पसंती
एकूण विक्रीच्या आकडेवारीनुसार, आर्थिक वर्ष '26 च्या पहिल्या 11 महिन्यांत हीरो मोटोकॉर्पने 55 लाख युनिट्स विकले, तर होंडा 52 लाख युनिट्ससह मागे आहे. मार्केट शेअरमध्ये हीरोचा वाटा 26.92% आहे, तर होंडाचा वाटा 25.36% आहे. स्पर्धा कितीही मोठी असली तरी, यावर्षी भारतीय टू-व्हीलर बाजारात हीरो मोटोकॉर्पच पुढे आहे हे स्पष्ट दिसतंय.
