Tips for Investment : गुंतवणूक म्हणजे फक्त पैसा वाढवण्याचा मार्ग नाही, तर भविष्यातील सुरक्षिततेचा पाया आहे. मात्र, अंधाधुंद गुंतवणूक केल्यास नुकसान होण्याची शक्यता अधिक असते. म्हणूनच गुंतवणुकीपूर्वी काही गोष्टींचा विचार करावा.
गुंतवणूक करण्यापूर्वी सर्वप्रथम आपले उद्दिष्ट निश्चित करणे अत्यंत महत्त्वाचे असते. तुम्ही अल्पकालीन नफा मिळवू इच्छिता का, की दीर्घकालीन संपत्ती निर्माण करायची आहे? शिक्षण, घर, निवृत्ती किंवा मुलांच्या भविष्यासाठी गुंतवणूक. या सर्वांचे उद्दिष्ट वेगवेगळे असते. उद्दिष्ट ठरल्यावर त्यानुसार योग्य गुंतवणुकीचा मार्ग निवडता येतो. उदाहरणार्थ, शेअर्स आणि म्युच्युअल फंड दीर्घकालीन गुंतवणुकीसाठी योग्य असतात, तर एफडी किंवा आरडी अल्पकालीन सुरक्षित गुंतवणुकीसाठी उपयुक्त ठरतात.
25
जोखीम आणि परताव्याचा समतोल साधा
प्रत्येक गुंतवणुकीत काही ना काही जोखीम असते. उच्च परतावा मिळवण्यासाठी उच्च जोखीम पत्करावीच लागते. मात्र, सर्वांनाच मोठी जोखीम घ्यायची नसते. म्हणूनच गुंतवणुकीपूर्वी आपली जोखीम क्षमता (Risk Appetite) समजून घेणे गरजेचे आहे. उदाहरणार्थ, तरुण गुंतवणूकदार दीर्घ कालावधीसाठी जास्त जोखीम घेऊ शकतात, तर निवृत्तीच्या जवळ असणाऱ्या व्यक्तींनी सुरक्षित पर्याय निवडावेत. Diversification, म्हणजेच विविध ठिकाणी गुंतवणूक करून जोखीम कमी करणे, हा सर्वात सुरक्षित उपाय आहे.
35
गुंतवणुकीचा कालावधी ठरवा
गुंतवणूक किती काळासाठी करायची हे ठरवणे महत्त्वाचे आहे. शॉर्ट टर्म, मिड टर्म आणि लॉंग टर्म — या तिन्ही कालावधींनुसार गुंतवणुकीचा प्रकार बदलतो. जर तुम्हाला काही वर्षांत पैसा लागणार असेल, तर कमी जोखीम असलेल्या योजनांचा विचार करा. पण दीर्घकालीन वाढ हवी असेल तर इक्विटी, म्युच्युअल फंड किंवा रिअल इस्टेट हे पर्याय चांगले ठरतात. कालावधी ठरवल्याने गुंतवणुकीतील चढउतारांवर नियंत्रण ठेवणे सोपे होते.
बाजारातील चढउतार, महागाईदर, व्याजदरातील बदल आणि जागतिक परिस्थिती या सगळ्याचा गुंतवणुकीवर परिणाम होतो. म्हणूनच बाजाराची स्थिती समजून घेऊनच निर्णय घ्यावा. आवश्यक असल्यास आर्थिक सल्लागाराची मदत घ्या. तज्ज्ञांच्या मार्गदर्शनाखाली केल्यास गुंतवणुकीतील चुका कमी होतात. तसेच, कोणत्याही स्कीममध्ये गुंतवणूक करण्यापूर्वी तिचे अटी, जोखीम घटक आणि परतावा दर काळजीपूर्वक वाचा.
55
गुंतवणुकीचे रेकॉर्ड आणि मॉनिटरिंग करा
गुंतवणूक केल्यानंतर ती तिथेच सोडून देऊ नका. नियमितपणे आपल्या गुंतवणुकीचे निरीक्षण करा. बाजारात बदल होत असतात आणि त्यानुसार काही निर्णय घेणे आवश्यक असते. एखाद्या फंडाचा परफॉर्मन्स कमी होत असेल, तर पर्यायी गुंतवणुकीचा विचार करा. तसेच, कर सवलती (Tax Benefits) मिळवण्यासाठी योग्य योजनांची निवड करा. गुंतवणुकीचे नियोजन आणि पुनरावलोकन हे दीर्घकालीन यशाचे गमक आहे.
