Malpua Recipe: फुग्यासारखे टम्म फुगणारे मालपुवे बनवण्याची सीक्रेट ट्रिक! होळीला सगळेच विचारतील रेसिपी

Fluffy Malpua Recipe: होळीसाठी फुग्यासारखे टम्म फुगलेले आणि मऊ मालपुवे बनवायचे आहेत? पिठाची योग्य कन्सिस्टन्सी, फर्मेंटेशन, बेकिंग पावडरचं प्रमाण, तेलाचं तापमान आणि परफेक्ट पाकाच्या ५ सीक्रेट ट्रिक्स जाणून घ्या.

Balloon Like Fluffy Malpua: होळीचा सण जवळ आलाय आणि मालपुव्यांशिवाय हा सण अपूर्णच वाटतो. पण अनेकांची तक्रार असते की त्यांचे मालपुवे तेलात टाकल्यावर फुगत नाहीत. तुम्हालाही होळीसाठी असे मऊ आणि टम्म फुगलेले मालपुवे बनवायचे असतील की खाणारा प्रत्येक जण रेसिपी विचारेल, तर फक्त योग्य साहित्य असून चालणार नाही, त्यासाठी योग्य पद्धत वापरणंही गरजेचं आहे. अनेकदा मालपुवे कडक, चपटे किंवा आतून कच्चे राहतात. पण काही सोप्या सीक्रेट टिप्स वापरून तुम्ही घरीच हलवायासारखे फुग्याप्रमाणे फुगलेले, स्पंजी आणि रसरशीत मालपुवे बनवू शकता. चला, जाणून घेऊया त्या ५ खास ट्रिक्स.

पिठाची कन्सिस्टन्सी अगदी परफेक्ट हवी

मालपुव्याचं पीठ जास्त पातळ किंवा जास्त घट्ट नसावं. त्याची कन्सिस्टन्सी साधारण भज्याच्या पिठासारखी हवी. मैदा, रवा आणि दूध एकत्र करून एक गुळगुळीत पीठ तयार करा. त्यात एकही गुठळी राहणार नाही याची काळजी घ्या. पीठ जेवढं स्मूद असेल, मालपुवे तेवढेच मऊ होतील. पीठ तयार झाल्यावर ते अर्धा तास झाकून ठेवा, म्हणजे रवा चांगला फुलेल.

पीठ मुरवणं खूप गरजेचं आहे

पीठ तयार झाल्यावर ते कमीत कमी २०-३0 मिनिटं झाकून ठेवा. यामुळे रवा चांगला फुलतो आणि पिठाला हलकं आंबूसपणा (फर्मेंटेशन) येतो, ज्यामुळे मालपुवे फुगायला मदत होते. जर तुम्ही घाई केली, तर मालपुवे कडक आणि चपटे होतील.

बेकिंग पावडर किंवा बडीशेपचा योग्य वापर

टम्म फुगलेल्या मालपुव्यांसाठी पिठात चिमूटभर बेकिंग पावडर किंवा बेकिंग सोडा घालणं फायदेशीर ठरतं. काही जण त्यात बडीशेप किंवा वेलचीही घालतात, ज्यामुळे चवीसोबतच पिठाला हलकेपणा येतो. पण याचं प्रमाण खूप कमी ठेवा, जास्त झाल्यास चव बिघडू शकते.

तेल किंवा तुपाचं तापमान परफेक्ट ठेवा

मालपुवे तळताना तेल किंवा तूप मध्यम गरम असावं. खूप कडकडीत तेलात तळल्यास मालपुवे बाहेरून पटकन लाल होतील आणि आतून कच्चे राहतील. मंद-मध्यम आचेवर तळल्यास ते हळूहळू फुगतात आणि सोनेरी रंगावर तळले जातात. जेव्हा तुम्ही पीठ तेलात सोडाल, तेव्हा त्याला आपोआप पसरू द्या, चमच्याने पसरवण्याचा प्रयत्न करू नका.

पाकात टाकण्याची योग्य वेळ आणि पद्धत

साखरेचा पाक एक तारी असावा - जास्त घट्ट किंवा पातळ नको. तळलेले गरमागरम मालपुवे थेट कोमट पाकात टाका आणि फक्त १-२ मिनिटंच ठेवा. जास्त वेळ पाकात ठेवल्यास ते तुटू शकतात. योग्य वेळी बाहेर काढल्यास मालपुवे आतून रसरशीत आणि बाहेरून हलके कुरकुरीत राहतात.