रेशन कार्डवर नाव किंवा जन्मतारीख चुकलीये? टेन्शन नका घेऊ! घरबसल्या ५ मिनिटांत अशी करा दुरुस्ती

Online Ration Card Correction Process : रेशन कार्ड हे एक महत्त्वाचे ओळखपत्र आहे, परंतु त्यावरील चुकीच्या माहितीमुळे सरकारी योजनांचा लाभ घेताना अडचणी येतात. 

रेशन कार्डवर नाव किंवा जन्मतारीख चुकलीये? टेन्शन नका घेऊ!

मुंबई : रेशन कार्ड (शिधापत्रिका) हे केवळ स्वस्त धान्य मिळवण्याचे साधन नसून ते एक महत्त्वाचे सरकारी ओळखपत्र आहे. पण अनेकदा रेशन कार्डवर नाव चुकीचे असणे, जन्मतारीख चुकणे किंवा स्पेलिंगमध्ये चूक असणे अशा समस्या उद्भवतात. यामुळे सरकारी योजनांचा लाभ घेताना अडथळे येतात. आता तुम्हाला या दुरुस्तीसाठी सरकारी कचेऱ्यांचे उंबरठे झिजवण्याची गरज नाही. तुम्ही घरबसल्या ऑनलाइन पद्धतीने ही चूक सुधारू शकता. 

रेशन कार्ड अचूक असणे का महत्त्वाचे आहे?

रेशन कार्ड हे 'वन नेशन वन रेशन कार्ड' (ONORC), आयुष्मान भारत, उज्ज्वला योजना आणि विविध शासकीय अनुदानांसाठी अनिवार्य आहे. चुकीच्या माहितीमुळे

धान्य मिळण्यास अडचण येऊ शकते.

ओळखीचा पुरावा म्हणून ते नाकारले जाऊ शकते.

कुटुंबातील नवीन सदस्याचे नाव नोंदवताना समस्या येतात. 

ऑनलाइन दुरुस्ती करण्याची सोपी पद्धत (Step-by-Step)

तुमच्या रेशन कार्डमधील माहिती अपडेट करण्यासाठी खालील स्टेप्स फॉलो करा.

अधिकृत वेबसाइटला भेट द्या: सर्वप्रथम तुमच्या राज्याच्या अन्न व नागरी पुरवठा विभागाच्या (उदा. महाराष्ट्रासाठी mahafood.gov.in) अधिकृत पोर्टलवर जा.

दुरुस्ती पर्याय निवडा: होमपेजवर 'रेशन कार्ड दुरुस्ती' (Correction in Ration Card) किंवा 'Online Services' या पर्यायावर क्लिक करा.

लॉगिन करा: तुमचा रेशन कार्ड क्रमांक किंवा आधार क्रमांक टाकून सर्च करा. तुमच्या नोंदणीकृत मोबाईलवर OTP येईल, तो प्रविष्ट करा.

माहिती अपडेट करा: आता तुमच्या समोर रेशन कार्डचा तपशील उघडेल. जेथे चूक आहे (नाव, पत्ता, वय इ.), तेथे योग्य माहिती भरा. महत्त्वाचे: माहिती आधार कार्डवरील तपशिलानुसारच भरा.

कागदपत्रे अपलोड करा: पुराव्यासाठी आधार कार्ड, पॅन कार्ड किंवा वीज बिल यांसारख्या आवश्यक कागदपत्रांची स्कॅन कॉपी जोडा.

सबमिट करा: सर्व माहिती तपासून 'Submit' बटणावर क्लिक करा. तुम्हाला एक 'Application Number' मिळेल, जो जपून ठेवा. 

पुढे काय होते?

तुमचा अर्ज सबमिट झाल्यानंतर संबंधित विभागाचे अधिकारी माहितीची पडताळणी करतात. सर्व काही बरोबर असल्यास काही दिवसांतच तुमची माहिती रेशन कार्डवर अपडेट केली जाते आणि तुम्ही नवीन डिजिटल रेशन कार्ड डाउनलोड करू शकता.