Railway Recruitment 2026 : रेल्वेत सरकारी नोकरीची बंपर संधी! ४५,००० पर्यंत पगार; 'या' पदांसाठी ३१ जानेवारीपूर्वी करा अर्ज

Railway Recruitment 2026 : भारतीय रेल्वेने 'आयसोलेटेड कॅटेगरी' अंतर्गत ३१२ पदांसाठी नवीन भरती जाहीर केली आहे. यामध्ये ज्युनिअर हिंदी ट्रान्सलेटर, चीफ लॉ असिस्टंट अशा विविध पदांचा समावेश असून, निवडलेल्या उमेदवारांना आकर्षक वेतन, सरकारी सुविधा मिळतील.

रेल्वेत सरकारी नोकरीची बंपर संधी!

नवी दिल्ली : सरकारी नोकरीचे स्वप्न पाहणाऱ्या तरुणांसाठी भारतीय रेल्वेने नवीन वर्षाची मोठी भेट दिली आहे. रेल्वे भरती बोर्डाने (RRB) 'आयसोलेटेड कॅटेगरी' (Isolated Category) अंतर्गत विविध पदांसाठी अधिकृत अधिसूचना प्रसिद्ध केली आहे. विशेष म्हणजे, निवड झालेल्या उमेदवारांना सुरुवातीपासूनच आकर्षक वेतन आणि सरकारी सोयीसुविधा मिळणार आहेत. 

एकूण ३१२ पदांसाठी भरती, कोणत्या पदासाठी किती जागा?

या भरती प्रक्रियेद्वारे एकूण ३१२ रिक्त जागा भरल्या जाणार आहेत. यामध्ये प्रामुख्याने खालील पदांचा समावेश आहे.

ज्युनिअर हिंदी ट्रान्सलेटर: २०२ जागा (सर्वात जास्त पदे)

स्टाफ अँड वेलफेअर इन्स्पेक्टर: २४ जागा

चीफ लॉ असिस्टंट: २२ जागा

सीनियर पब्लिक इन्स्पेक्टर: १५ जागा

पब्लिक प्रोसिक्युशन: ०७ जागा 

पात्रता आणि वयोमर्यादा

शैक्षणिक पात्रता: प्रत्येक पदासाठी पात्रता वेगवेगळी आहे (उदा. पदवी, पदव्युत्तर पदवी किंवा विधी पदवी). उमेदवारांनी आपल्या शैक्षणिक अर्हतेनुसार पदाची निवड करावी.

वयोमर्यादा: साधारणपणे ३० ते ४० वर्षे वयोगटातील उमेदवार या पदांसाठी पात्र आहेत. सरकारी नियमांनुसार, राखीव प्रवर्गातील उमेदवारांना वयोमर्यादेत सवलत दिली जाईल. 

पगार आणि इतर फायदे

रेल्वेतील या पदांसाठी वेतनश्रेणी अतिशय उत्तम आहे.

मासिक वेतन: पदानुसार ३५,४०० ते ४४,९०० रुपयांपर्यंत मूलभूत वेतन मिळेल.

भत्ते: मूळ पगाराव्यतिरिक्त महागाई भत्ता (DA), घरभाडे भत्ता (HRA) आणि इतर रेल्वे सुविधांचा लाभ उमेदवारांना घेता येईल. सर्व भत्ते मिळून हा पगार ४५ हजारांच्या पुढे जाण्याची शक्यता आहे. 

अर्ज कसा करावा? (How to Apply)

या भरतीसाठी अर्ज करण्याची प्रक्रिया पूर्णपणे ऑनलाईन आहे.

१. उमेदवारांनी रेल्वे भरती बोर्डाच्या (RRB) अधिकृत संकेतस्थळाला भेट द्यावी. 

२. अधिसूचनेतील सर्व अटी व शर्ती काळजीपूर्वक वाचाव्यात. 

३. ऑनलाईन अर्जात आपली वैयक्तिक आणि शैक्षणिक माहिती अचूक भरावी. 

४. अंतिम तारीख: अर्ज सादर करण्याची शेवटची मुदत ३१ जानेवारी २०२६ आहे.

महत्त्वाची टीप

शेवटच्या क्षणी होणारी तांत्रिक अडचण टाळण्यासाठी पात्र उमेदवारांनी लवकरात लवकर अर्ज प्रक्रिया पूर्ण करावी.