Post Office SCSS : रिटायरमेंटनंतर दरमहा 10 हजार कमवा, ज्येष्ठ नागरिकांसाठी ही आहे बेस्ट स्कीम!

Post Office SCSS: रिटायरमेंटनंतर दर महिन्याला फिक्स इन्कम हवंय? पोस्ट ऑफिसने खास तुमच्यासाठी एक जबरदस्त स्कीम आणली आहे. या स्कीमचे फायदे काय आणि यात पैसे कसे गुंतवायचे, याची सविस्तर माहिती आपण पाहूया.

सीनिअर सिटिझन सेव्हिंग स्कीम म्हणजे काय?

रिटायरमेंटनंतर दर महिन्याला हातात फिक्स पैसे येणं खूप गरजेचं असतं. या वयात कुणालाही पैशांची रिस्क घ्यायची नसते. आपली जमापुंजी सुरक्षित राहावी आणि खर्चापुरते पैसे मिळत राहावेत, असं प्रत्येकाला वाटतं. पोस्ट ऑफिसची 'सीनिअर सिटिझन सेव्हिंग स्कीम' (SCSS) यावर एक मस्त उपाय आहे.

सीनिअर सिटिझन सेव्हिंग स्कीम म्हणजे काय?

सरकारने ही स्कीम खास ६० वर्षे पूर्ण झालेल्या लोकांसाठी आणली आहे. ही १००% सरकारी स्कीम असल्यामुळे तुमचे पैसे पूर्णपणे सुरक्षित राहतात. शेअर बाजारातील चढ-उतारांचा यावर कोणताही परिणाम होत नाही. कोणतीही रिस्क न घेता फिक्स इन्कम पाहिजे असेल, तर ही स्कीम तुमच्यासाठी एकदम बेस्ट आहे.

व्याज कसं मिळतं? स्कीम किती वर्षांची आहे?

पोस्ट ऑफिस सध्या या स्कीमवर वर्षाला ८.२ टक्के व्याज देत आहे. बँकेच्या फिक्स डिपॉझिटपेक्षा (FD) हा व्याजदर खूप जास्त आहे. तुम्ही एकदा पैसे गुंतवले की, स्कीम संपेपर्यंत तुम्हाला याच दराने व्याज मिळत राहतं. उदाहरणार्थ, तुम्ही १५ लाख रुपये गुंतवले, तर वर्षाला साधारण १,२३,००० रुपये व्याज मिळतं. म्हणजेच महिन्याला १०,२५० रुपये इन्कम सुरू होतं.

व्याज कसं मिळतं? स्कीम किती वर्षांची आहे?

पोस्ट ऑफिस हे व्याज दर महिन्याला न देता, दर तीन महिन्यांनी खात्यात जमा करतं. एप्रिल, जुलै, ऑक्टोबर आणि जानेवारी महिन्यात पैसे थेट तुमच्या बँक खात्यात येतात. ही स्कीम ५ वर्षांची असते. तुम्हाला गरज वाटल्यास ५ वर्षे पूर्ण झाल्यावर तुम्ही ती पुढे वाढवू शकता.

१,००० रुपयांपासून या स्कीममध्ये गुंतवणूक सुरू करू शकता

तुम्ही या स्कीममध्ये पैसे गुंतवले, तर इन्कम टॅक्सच्या कलम 80C अंतर्गत १.५ लाख रुपयांपर्यंत टॅक्स सूट मिळवू शकता. पण, जर तुम्ही मुदतीआधीच खातं बंद केलं, तर तुम्हाला थोडा दंड भरावा लागतो. तुम्ही अगदी १,००० रुपयांपासून या स्कीममध्ये गुंतवणूक सुरू करू शकता. कोणतीही रिस्क न घेता फिक्स इन्कम पाहिजे असेल, तर ज्येष्ठ नागरिकांसाठी ही एक एकदम भरवशाची स्कीम आहे.

तुमची स्कीम मॅच्युअर झाल्यापासून १ वर्षाच्या आत तुम्हाला अर्ज करावा लागतो

पूर्वी या स्कीममध्ये ५ वर्षे पूर्ण झाल्यावर फक्त एकदाच ३ वर्षांसाठी मुदत वाढवता येत होती. पण आता नवीन नियमांनुसार, पहिली ५ वर्षे पूर्ण झाल्यावर तुम्ही ३-३ वर्षांच्या टप्प्यात कितीही वेळा ही स्कीम पुढे वाढवू शकता. यासाठी तुमची स्कीम मॅच्युअर झाल्यापासून १ वर्षाच्या आत तुम्हाला अर्ज करावा लागतो, ही गोष्ट नक्की लक्षात ठेवा.