PM Surya Ghar Yojana : पंतप्रधान सूर्य घर योजनेमुळे तुमच्या घरचे वीज बिल होणार आता 'शून्य', पैसे कमाईची संधी!, जाणून घ्या संपूर्ण माहिती

Published : Jul 22, 2025, 09:45 PM IST

PM Surya Ghar Yojana : पंतप्रधान सूर्य घर योजनेअंतर्गत घरावर सौर पॅनेल बसवून मोफत वीज मिळवण्यासोबतच अतिरिक्त कमाईचीही संधी उपलब्ध. अनुदान, मोफत युनिट्स आणि सरकारला वीज विक्री या माध्यमातून आर्थिक बचत आणि उत्पन्न मिळवता येते.

PREV
17

PM Surya Ghar Yojana : सौरऊर्जेचा उपयोग आता केवळ पर्यावरण बचावासाठी मर्यादित राहिलेला नाही, तर गरिब व मध्यमवर्गीय कुटुंबांसाठीही एक मजबूत आर्थिक पर्याय बनत आहे. याच दृष्टीने केंद्र सरकारने सुरू केलेली ‘पंतप्रधान सूर्य घर योजना’ अनेक घरांमध्ये नव्या आशेचा किरण घेऊन आली आहे. या योजनेच्या माध्यमातून घराच्या छतावर सौर पॅनेल बसवून आपण फक्त वीज बिलातून मुक्ती मिळवू शकत नाही, तर अनुदान, मोफत युनिट्स आणि अतिरिक्त कमाईसुद्धा करू शकतो. ही योजना खरंच जीवनशैलीत सकारात्मक परिवर्तन घडवणारी आहे.

27

सोलर पॅनेल आता सर्वांसाठी – अनुदानासह

एकेकाळी सौर पॅनेल ही फक्त श्रीमंतांची गोष्ट वाटायची, पण आता सामान्य नागरिकांनाही ती सहज उपलब्ध झाली आहे. या योजनेअंतर्गत सरकार नागरिकांना सौर यंत्रणा बसवण्यासाठी भरघोस आर्थिक मदत देते. एकदा सोलर पॅनेल बसवले की, पुढची 20-25 वर्षे 300 युनिटपर्यंत वीज मोफत मिळू शकते. एसी, फ्रिज, टीव्ही, पंखे हे सगळं मोफत वीजेवर चालू शकतं, म्हणजेच घराचा वीज खर्च जवळपास शून्यावर येऊ शकतो.

37

उत्पन्नाचंही साधन, सरकारला वीज विकण्याची संधी

या योजनेचं एक महत्त्वाचं वैशिष्ट्य म्हणजे, तुम्ही जर जास्त वीज निर्माण केली, तर ती उरलेली वीज थेट सरकारला विकू शकता. यामुळे ही योजना खर्च वाचवणारी तर आहेच, पण उत्पन्न मिळवून देणारी सुद्धा ठरते. सरकारने देशभरात 1 कोटी घरांमध्ये सौर यंत्रणा बसवण्याचं उद्दिष्ट ठेवलं आहे, आणि त्यातून 75,000 कोटी रुपयांची वीज बचत होईल, असा अंदाज आहे.

47

कोण पात्र आहे? आणि अर्ज कसा करावा?

घराच्या छतावर पुरेशी मोकळी जागा असणे आवश्यक

वैध वीज कनेक्शन असणे आवश्यक

याआधी सौर योजनेचा लाभ न घेतलेला असावा

ग्रामीण व शहरी भागातील तसेच फ्लॅटमध्ये राहणारे नागरिकही पात्र

अर्जासाठी अधिकृत पोर्टल: https://pmsuryaghar.gov.in

इथे जाऊन तुम्ही अर्ज भरू शकता. अर्ज प्रक्रिया थोडी सविस्तर असली तरी मार्गदर्शनासाठी अधिकृत विक्रेते आणि माहिती पोर्टलवर उपलब्ध आहे. 

57

अनुदान किती मिळतं?

2 किलोवॅटपर्यंत सोलर यंत्रणेवर 60% अनुदान

3 किलोवॅट यंत्रणेवर 40% अनुदान

सरासरी 3 किलोवॅटचा सेटअप बसवण्याचा खर्च ₹1.45 लाखांपर्यंत येतो

यापैकी ₹78,000 थेट तुमच्या खात्यात जमा केलं जातं

कर्जाची सोयही उपलब्ध

एकरकमी खर्च शक्य नसणाऱ्यांसाठी बँकांकडून कमी व्याजदरावर कर्जही उपलब्ध आहे. रेपो दराच्या फक्त 0.5% अधिक व्याजदराने कर्ज मिळू शकते, जे सहज परवडण्याजोगं आहे.

67

मोठा प्लांट, मोठी कमाई

तुमच्याकडे मोठ्या जागेची उपलब्धता असल्यास, तुम्ही मोठ्या क्षमतेचा सोलर प्लांट बसवून महिन्याला हजारो ते लाखो रुपये कमवू शकता. उत्पन्नाचे प्रमाण सोलर प्लांटच्या क्षमतेवर आणि सरकारला विकलेल्या वीजेच्या युनिट्सवर अवलंबून असते.

77

एक पाऊल पर्यावरणासाठी आणि आर्थिक स्वातंत्र्यासाठी

‘पंतप्रधान सूर्य घर योजना’ ही केवळ वीज बचतीसाठी नव्हे, तर स्वावलंबन, पर्यावरण संरक्षण आणि उत्पन्नाचा स्रोत बनण्यासाठी एक सुवर्णसंधी आहे. जर तुम्ही पात्र असाल, तर ही संधी नक्कीच वापरून पाहा उज्वल भविष्य तुमच्या दाराशी येऊन थांबले आहे.

RG
About the Author

Rameshwar Gavhane

रामेश्वर गव्हाणे हे asianetnews.com या प्रथितयश संस्थेच्या मराठी एशियानेट विभागात कंटेट रायटर या पदावर कार्यरत आहेत. त्यांनी रानडे इन्स्टिट्युट येथून पत्रकारितेचे पदव्युत्तर शिक्षण पूर्ण केलं असून पॉलिटिकल सायन्समध्ये पदव्युत्तर शिक्षण घेतले आहे. त्यांनी असिस्टेंट प्रोड्यूसर म्हणून टीव्ही ९ मराठी या न्यूज चॅनलमधून पत्रकारितेला सुरुवात केली. त्यानंतर त्यांनी लोकशाही मराठी न्यूज चॅनलमध्येही असिस्टेंट प्रोड्यूसर म्हणून काम केले आहे. त्यानंतर त्यांनी इनशॉर्ट्स पब्लिक अॅप येथे कंटेट स्पेशॅलिस्ट म्हणून काम केले आहे. त्यांना पत्रकारितेत एकूण ६ वर्षांचा अनुभव आहे. रामेश्वर गव्हाणे यांना राजकीय, सामाजिक विषय, गुन्हे या विषयावर लिहायला आवडते. त्यांना टीव्ही आणि डिजीटल मिडिया क्षेत्रात कामाचा अनुभव आहे.Read More...
Read more Photos on

Recommended Stories