Phone Lost First 15 Minutes: आज स्मार्टफोनमध्ये पैसे, बँक, UPI, ओळख, खासगी डेटा सगळं काही असतं. अशावेळी जर फोन हरवला किंवा चोरीला गेला, तर पहिली 15 मिनिटं खूप महत्त्वाची असतात. योग्य वेळी पावलं उचलली, तर मोठं नुकसान टाळता येतं. जाणून घ्या काय करावं
फोन हरवताच सर्वात आधी तुमच्या मोबाइल नेटवर्क कंपनीला कॉल करा. तुमचा नंबर जिओ, एअरटेल, Vi किंवा BSNL चा असो, कस्टमर केअरला सांगा, 'माझा फोन हरवला आहे, SIM लगेच बंद करा.' सिम बंद होताच OTP येणार नाहीत, कॉल आणि SMS बंद होतील. फसवणुकीचा सर्वात मोठा मार्ग इथेच बंद होतो. हे सर्वात महत्त्वाचं आणि पहिलं पाऊल आहे.
26
बँक, UPI आणि वॉलेट लगेच बंद करा
बँक, UPI आणि वॉलेट लगेच बंद करा
SIM ब्लॉक झाल्यानंतरही धोका टळत नाही. लगेच तुमच्या बँकेशी (Mobile Banking आणि UPI), पेटीएम, फोन-पे, गूगल-पे सारख्या वॉलेटशी संपर्क साधा. त्यांना सांगा की 'फोन हरवला आहे, माझं खातं तात्पुरतं ब्लॉक करा.' अनेकदा लॉक केलेल्या फोनमधूनही ॲप्सचा गैरवापर होऊ शकतो.
36
फोन दूरूनच लॉक किंवा डिलीट करा
फोन दूरूनच लॉक किंवा डिलीट करा
जर तुमचा फोन अँड्रॉइड असेल तर 'Find My Device' आणि आयफोन असेल तर 'Find My iPhone' वापरा. इथून तुम्ही फोन रिमोटली लॉक करू शकता, स्क्रीनवर मेसेज टाकू शकता, लोकेशन पाहू शकता आणि गरज पडल्यास संपूर्ण डेटा डिलीट करू शकता. फोन परत मिळण्याची शक्यता कमी असेल, तर डेटा डिलीट करणं हाच योग्य निर्णय असतो.
दुसऱ्या फोन किंवा लॅपटॉपवरून पासवर्ड बदला. यासाठी सर्वात आधी ईमेल, बँक आणि UPI ॲप्स, शॉपिंग ॲप्स, सोशल मीडियाचा पासवर्ड बदला. लक्षात ठेवा की तुमचा ईमेल इतर सर्व खात्यांची चावी असतो. तो सुरक्षित असेल तर अर्धं काम इथेच होतं.
56
FIR दाखल करा आणि IMEI ब्लॉक करा
FIR दाखल करा आणि IMEI ब्लॉक करा
फोन हरवल्याची FIR किंवा ऑनलाइन तक्रार नक्की दाखल करा. यामुळे IMEI नंबर ब्लॉक करता येतो, फोन ट्रॅक होण्याची शक्यता वाढते, इन्शुरन्स क्लेमसाठी उपयोगी पडतो आणि भविष्यात कोणत्याही फसवणुकीसाठी पुरावा म्हणून वापरता येतो. फोन मिळो वा न मिळो, FIR खूप महत्त्वाची आहे.
66
फोन मिळाल्यावर किंवा नवीन फोन घेतल्यावर काय करावं
फोन मिळाल्यावर किंवा नवीन फोन घेतल्यावर काय करावं
त्याच नंबरचं डुप्लिकेट सिम घ्या.
ॲप्स पुन्हा इन्स्टॉल करा, पण काळजीपूर्वक.
रोज बँक स्टेटमेंट तपासा.
जर कार्ड फोनसोबत होतं, तर डेबिट किंवा क्रेडिट कार्डही ब्लॉक करा.
