New GST rates : २२ सप्टेंबरपासून जीएसटीचे नवे दर लागू होणार आहेत. रोजच्या वापराच्या वस्तू स्वस्त होणार आहेत. तर लक्झरी वस्तू आणि तंबाखू उत्पादने महागणार आहेत. कोणत्या वस्तूंच्या किमती वाढणार आणि कोणत्या कमी होणार ते जाणून घेऊया.
जीएसटीमध्ये मोठे बदल झाले आहेत. २०१७ मध्ये सुरू झालेल्या वस्तू आणि सेवा करामध्ये (जीएसटी) हा सर्वात मोठा बदल आहे. जीएसटी कौन्सिलच्या ५६ व्या बैठकीत कर दरांचे रेशनलायझेशन करण्याचा महत्त्वपूर्ण निर्णय घेण्यात आला आहे.
२२ सप्टेंबरपासून फक्त दोन स्लॅब असतील. ते ५% आणि १८%. तसेच, पान मसाला, गुटखा, तंबाखू आणि लक्झरी वस्तूंसाठी ४०% चा विशेष दर आणण्यात आला आहे.
केंद्रीय अर्थमंत्री निर्मला सीतारामन म्हणाल्या, “आम्ही स्लॅब कमी केले आहेत. आता फक्त दोन स्लॅब असतील. सामान्य लोकांना उपयुक्त असलेल्या वस्तूंवर सूट दिली आहे.”
25
स्वस्त होणार 'या' वस्तू
जीएसटीमध्ये झालेल्या नवीन बदलांमुळे खालील वस्तूंच्या किमती कमी होणार आहेत.
जीएसटीचे नवे दर २२ सप्टेंबर २०२५ (नवरात्रीच्या पहिल्या दिवशी) पासून लागू होतील.
तंबाखू उत्पादने सुरुवातीला २८% अधिक सेस अंतर्गत राहतील. नंतर ते ४०% स्लॅबमध्ये जातील.
एकंदरीत घरगुती खर्च कमी होईल. व्यवसायांसाठी कर रेशनलायझेशनमुळे सोपे होईल. परंतु लक्झरी वस्तू खरेदी करणाऱ्यांसाठी आणि धूम्रपान करणाऱ्यांसाठी खर्च वाढणार आहे.
