नव्या नियमानुसार, मोटर इन्शुरन्स ४ भागांत विभागला गेला आहे: थर्ड-पार्टी इन्शुरन्स, पॅसेंजर कव्हर, पर्सनल अॅक्सिडेंट कव्हर आणि ओन डॅमेज कव्हर. IRDAI ने २ तारखेला या बदलांची माहिती देणारे परिपत्रक जारी केले. १५ डिसेंबरपासून नव्या पॉलिसींना हा नियम लागू होईल.
१. थर्ड-पार्टी इन्शुरन्स (Third Party Insurance) -
हा आधीपासूनच सक्तीचा आहे. तुमच्या वाहनामुळे दुसऱ्या व्यक्तीला किंवा मालमत्तेला नुकसान झाल्यास याची मदत होते. यात कोणताही बदल नाही.
२. पॅसेंजर कव्हर -
कारमधील प्रवासी किंवा बाईकवर मागे बसलेली व्यक्ती आणि कर्मचाऱ्यांसाठी हे कव्हर आहे. ग्राहकांना हे ऐच्छिक (optional) असेल.
३. पर्सनल अॅक्सिडेंट कव्हर (Personal Accident Cover) -
वाहनमालक आणि इन्शुरन्सधारक व्यक्तीसाठी हे कव्हर थर्ड-पार्टी प्रमाणेच सक्तीचे (mandatory) करण्यात आले आहे.
४. ओन डॅमेज इन्शुरन्स (Own Damage Insurance) -
अपघात, चोरी, आग किंवा नैसर्गिक आपत्तीत वाहनाचे नुकसान झाल्यास हे कव्हर कामी येते. हे देखील ऐच्छिक आहे. वाहनाची किंमत पाहून मालक निर्णय घेऊ शकतात.