Instagram Algorithm Update : आता नको असलेले रील्स दिसणार नाहीत, इन्स्टाग्रामने भारतात बदलला अल्गोरिदम!

Published : Nov 19, 2026, 01:10 PM IST

भारतात आक्षेपार्ह आणि हिंसक व्हिडीओ थांबवण्यासाठी इन्स्टाग्रामने त्यांच्या रेकमेंडेशन अल्गोरिदममध्ये नवा बदल केला आहे. रील्स आणि फीड रेकमेंडेशन्स तुम्ही स्वतः कसे कंट्रोल करू शकता? जाणून घ्या सविस्तर माहिती.

PREV
14
इन्स्टाग्रामचा नवा अपडेट

सोशल मीडिया प्लॅटफॉर्मवर काय पोस्ट होते याकडे केंद्र सरकारचे लक्ष वाढले आहे. यामुळे मेटा कंपनीच्या इन्स्टाग्रामने त्यांच्या रेकमेंडेशन सिस्टीममध्ये काही बदल केले आहेत. आता भारतीय युजर्सना सेक्सुअली सजेस्टिव्ह आणि हिंसक आशय असलेल्या पोस्ट कमी दिसतील.

24
ऍडव्हान्स एआय तंत्रज्ञानाचा वापर

तुम्ही ज्यांना फॉलो करत नाही अशा अकाउंट्सच्या पोस्ट इन्स्टाग्रामच्या एक्स्प्लोर, रील्स आणि फीडवर दिसतात. 16 नोव्हेंबरला एका ब्लॉग पोस्टमध्ये इन्स्टाग्रामने सांगितले की, त्यांनी भारतीय युजर्सना आक्षेपार्ह आणि हिंसक आशय कमी दिसावा यासाठी त्यांच्या सिस्टीममध्ये बदल केले आहेत.

या बदलांमुळे नियमांचे उल्लंघन करणाऱ्या पोस्ट आता आधीच कमी करता येतील, असे कंपनीने म्हटले आहे. शिवाय, युजर्सनी रिपोर्ट करण्याची वाट न पाहता, पोस्टचे थेट विश्लेषण करणारे प्रगत एआय मॉडेल्स ते जगभरात वापरत आहेत.

34
केंद्र सरकारच्या सूचनांनंतर पाऊल

चुकीची माहिती, मॉर्फ केलेले व्हिडीओ आणि सार्वजनिक शांतता बिघडवणाऱ्या किंवा हिंसा भडकावणाऱ्या पोस्ट रेकमेंडेशन सिस्टीमने वाढवू नयेत, यासाठी 10 ऑक्टोबर रोजी केंद्रीय माहिती तंत्रज्ञान मंत्रालयाने मेटाला इन्स्टाग्रामच्या रँकिंग आणि रेकमेंडेशन सिस्टीमचा आढावा घेण्यास सांगितले होते. याआधी ऑगस्टमध्येही, लहान मुलांवरील लैंगिक अत्याचाराचा आशय (CSAM) आणि फसव्या पोस्टबाबत भारतीय कायदा अंमलबजावणी संस्थांसोबत सहकार्य वाढवण्याची विनंती मंत्रालयाने केली होती.

44
युजर्स स्वतःची फीड कशी कंट्रोल करू शकतात?

कम्युनिटी गाईडलाईन्स आणि भारतीय आयटी नियम 2021 चे उल्लंघन करणाऱ्या पोस्ट इन्स्टाग्राम सतत काढून टाकत आहे. याशिवाय, युजर्सना काय रेकमेंड केले जावे हे स्वतः कंट्रोल करण्यासाठीही काही पर्याय दिले आहेत.

Sensitive Content Control & Political Content Control - सेटिंग्जमधील 'Content Preferences' द्वारे सेन्सिटिव्ह आणि राजकीय रेकमेंडेशन्स कमी करता येतात.

Not Interested - नको असलेल्या पोस्ट किंवा रीलवरील 3 डॉट्सवर क्लिक करून 'Not interested' निवडल्यास तशा पोस्ट दिसणे बंद होते.

Hidden Words & Reset - कमेंट्स आणि मेसेजेसमध्ये विशिष्ट शब्द किंवा इमोजी ब्लॉक करता येतात आणि 'Content Preferences' द्वारे जुने रेकमेंडेशन्स पूर्णपणे रिसेटही करता येतात.

Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
Read more Photos on

Recommended Stories