Mobile Market: iPhone 18 Pro Max मध्ये आधीच्या मॉडेलपेक्षा जास्त पॉवरफुल बॅटरी मिळण्याचे संकेत आहेत. सोबतच अपडेटेड टेलीफोटो लेन्स, व्हेरिएबल अपर्चर, लहान डायनॅमिक आयलंड आणि A20 प्रो चिपसेट मिळण्याची शक्यता आहे.
सप्टेंबरमध्ये लाँच होणाऱ्या iPhone 18 Pro Max मध्ये अधिक दमदार बॅटरी मिळू शकते. iPhone 17 Pro Max पेक्षा यात मोठी बॅटरी असेल असे संकेत आहेत. लीक्सनुसार, iPhone 18 Pro Max ची बॅटरी क्षमता 5,100mAh ते 5,200mAh दरम्यान असू शकते. युरोपियन युनियनच्या प्रोडक्ट इन्फॉर्मेशन पेजनुसार, iPhone 17 Pro Max ची बॅटरी क्षमता 5,088mAh आहे.
26
फोनची जाडी आणि वजन दोन्ही वाढणार
बॅटरी क्षमता वाढल्यामुळे iPhone 18 Pro Max च्या आकारात आणि वजनात थोडा बदल अपेक्षित आहे. लीक्सनुसार, iPhone 17 Pro Max ची जाडी 8.75mm होती, तर iPhone 18 Pro Max ची जाडी 8.8mm असू शकते. तसेच, iPhone 17 Pro Max चे वजन 231 ग्रॅम होते, तर iPhone 18 Pro Max चे वजन 240 ग्रॅम असेल, असे म्हटले जात आहे. ही माहिती खरी ठरल्यास, हा आतापर्यंतचा सर्वात वजनदार आयफोन असेल.
36
टेलीफोटो लेन्समध्येही बदल
बॅटरी क्षमतेव्यतिरिक्त, iPhone 18 Pro मॉडेल्समध्ये इतरही काही मोठे बदल अपेक्षित आहेत. iPhone 18 Pro आणि iPhone 18 Pro Max च्या टेलीफोटो लेन्समध्ये अपग्रेड मिळेल अशी बातमी आहे. Apple या नव्या iPhone 18 Pro सीरिजमध्ये जास्त वाइड अपर्चर देऊ शकते.
रिपोर्ट्सनुसार, Apple मुख्य कॅमेऱ्यात व्हेरिएबल अपर्चर आणण्याचा प्रयत्न करत आहे. विशेषतः iPhone 18 Pro मध्ये या फीचरची चाचणी सुरू असल्याची चर्चा आहे. कमी प्रकाशात अधिक चांगले फोटो काढण्यासाठी हे अपर्चर ॲडजस्टमेंट खूप उपयोगी ठरेल. आगामी iPhone 18 Pro मॉडेल्समध्ये Apple कॅमेरा कंट्रोल बटणामध्येही काही बदल करू शकते, असेही रिपोर्ट्समध्ये म्हटले आहे.
56
लहान होणार डायनॅमिक आयलंड
Apple ने 2022 मध्ये iPhone 14 Pro मॉडेल्समध्ये पहिल्यांदा डायनॅमिक आयलंड सादर केले होते. त्यानंतर प्रो मॉडेल्समध्ये या डिझाइनमध्ये फारसा बदल झाला नाही. आता iPhone 18 Pro लाइनअपमध्ये डायनॅमिक आयलंड अधिक लहान होण्याची शक्यता आहे. Apple डिस्प्लेच्या खाली असलेले काही फेस आयडी कंपोनंट्स काढू शकते. यामुळे डायनॅमिक आयलंडचा दिसणारा आकार कमी होऊ शकतो, असे म्हटले जात आहे.
66
इतर अपग्रेड्स
iPhone 18 Pro लाइनअपमध्ये Apple चे नेक्स्ट-जनरेशन C2 मोडेम, A20 प्रो चिप आणि नवीन कलर ऑप्शन्सचीही अपेक्षा आहे. iPhone 18 Pro मॉडेल्ससाठी सांगितली जाणारी ही सर्व फीचर्स फोनच्या लाँचवेळीच निश्चितपणे कळू शकतील.
