Kitchen Tips: कचरा नाही, खजिना आहे! भाज्यांच्या सालांपासून बनवा या यम्मी रेसिपी

Kitchen Tips: बटाटा, दुधी, कारलं... या भाज्या सोलल्यानंतर तुम्ही सालं फेकून देता? थांबा! कारण या सालींपासून तुम्ही खूपच चविष्ट आणि हेल्दी पदार्थ बनवू शकता. कसे ते या लेखातून तुम्हाला आम्ही सांगणार आहोत…

बटाट्याच्या सालीची कुरकुरीत भजी

बटाट्याच्या सालीची कुरकुरीत भजी बनवण्यासाठी, आधी सालं चांगली धुवून घ्या, म्हणजे त्यात माती राहणार नाही. मग त्यात बेसन, मीठ आणि मसाले घाला. थोडं पाणी घालून घट्ट पीठ (बॅटर) तयार करा. गरम तेलात छोटी-छोटी भजी सोनेरी-तपकिरी होईपर्यंत तळा.

 दुधीच्या सालीची चटणी

दुधीच्या सालीची चटणी खूपच चविष्ट लागते. ही बनवण्यासाठी साली थोड्या उकडून घ्या किंवा भाजून घ्या. मिक्सरमध्ये हिरवी मिरची, लसूण आणि मीठ घालून बारीक वाटून घ्या. वरून मोहरीचं तेल घालून सर्व्ह करा.

कारल्याच्या सालींचे स्टफिंग

कारल्याची खरबरीत साल काढल्यावर ती फेकून देऊ नका. त्यात मीठ घालून त्याचा कडूपणा पिळून काढा. नंतर ती तेलात परतून घ्या आणि कारल्यामध्ये भरा (स्टफिंग करा).

गाजरांच्या सालींची भाजी

गाजराची सालं चांगली धुवून घ्या आणि त्याचे जाडसर तुकडे करा. एका कढईत तेल गरम करून कांदा परता. मग त्यात गाजराची सालं घाला. लाल तिखट, मीठ, धणे आणि हळद घालून ५ ते ७ मिनिटांत चटपटीत भाजी तयार करा. वरून कोथिंबीर आणि गरम मसाला घाला.

लाल भोपळ्याच्या सालींची भजी

लाल भोपळ्याची सालं जाडसर कापून घ्या. बेसनामध्ये मीठ, हळद, लाल तिखट आणि चाट मसाला घालून घट्ट पीठ (बॅटर) तयार करा. एकेक साल पिठात बुडवून तेलात तळा. गरमागरम भजी हिरव्या चटणीसोबत खा.