LPG गॅस सबसिडी खात्यात जमा झाली की नाही? आता एका मिनिटात मोबाईलवर करा चेक!

How To Check LPG Subsidy Status Online: LPG गॅस सबसिडी बँक खात्यात जमा होत नाही. आता तुम्ही बँकेत न जाता घरबसल्या mylpg.in या वेबसाइटवरून तुमच्या सबसिडीचे स्टेटस तपासू शकता. 

LPG गॅस सबसिडी खात्यात जमा झाली की नाही?

मुंबई: घरगुती गॅस सिलिंडरचे भाव गगनाला भिडलेले असताना 'सबसिडी' (अनुदान) हा सर्वसामान्यांसाठी मोठा आधार असतो. पण अनेकदा ही सबसिडी आपल्या खात्यात जमा झाली आहे की नाही, हेच आपल्याला समजत नाही. कधी बँक खाते लिंक नसल्यामुळे तर कधी तांत्रिक चुकीमुळे पैसे अडकतात. आता बँकेत चकरा मारण्याची गरज नाही! तुम्ही घरबसल्या तुमच्या मोबाईलवरून गॅस सबसिडीचे स्टेटस तपासू शकता. त्याची सविस्तर आणि सोपी प्रोसेस खालीलप्रमाणे आहे. 

सबसिडी का रखडते?

तुमच्या खात्यात पैसे येत नसतील, तर त्याला गॅस कंपनी जबाबदार असेलच असे नाही. याची मुख्य दोन कारणे असू शकतात.

१. तुमचे बँक खाते गॅस कनेक्शनशी लिंक नसणे.

२. तुमचे आधार कार्ड NPCI (National Payments Corporation of India) शी मॅप नसणे. 

सबसिडी ऑनलाइन तपासण्याची 'स्टेप-बाय-स्टेप' प्रोसेस

तुमच्याकडे इंडेन (Indane), एचपी (HP) किंवा भारत गॅस (Bharat Gas), यांपैकी कोणतेही कनेक्शन असले तरी तुम्ही खालील पद्धतीने स्टेटस पाहू शकता.

स्टेप १: सर्वात आधी अधिकृत वेबसाइट www.mylpg.in वर जा.

स्टेप २: होमपेजवर तुम्हाला तीन गॅस सिलिंडरचे फोटो दिसतील (Indane, HP, Bharat). तुमच्या कंपनीच्या सिलिंडरवर क्लिक करा.

स्टेप ३: आता एक नवीन पेज उघडेल. तिथे तुमच्या ग्राहक क्रमांकाने (Customer ID) 'Sign In' करा. जर तुमचे खाते नसेल, तर 'New User' वर क्लिक करून नोंदणी करा.

स्टेप ४: लॉगिन झाल्यानंतर, डॅशबोर्डवर तुम्हाला 'View Cylinder Booking History' किंवा 'LPG Subsidy Transfer' हा पर्याय दिसेल, त्यावर क्लिक करा.

स्टेप ५: इथे तुम्हाला तुमच्या गेल्या काही महिन्यांच्या सिलिंडर बुकिंगची माहिती, सबसिडीची रक्कम आणि ती कोणत्या बँकेत जमा झाली आहे, याचे संपूर्ण स्टेटस दिसेल. 

जर सबसिडी दिसत नसेल तर काय करावे?

जर तुम्हाला ऑनलाइन पोर्टलवर सबसिडीची 'एंट्री' दिसत नसेल, तर त्वरित खालील गोष्टी तपासा

तुमचे आधार कार्ड गॅस एजन्सीकडे जमा आहे का?

बँक खाते आधारशी लिंक (e-KYC) आहे का?

काही समस्या असल्यास तुम्ही जवळच्या गॅस एजन्सीला भेट देऊन किंवा टोल-फ्री क्रमांकावर तक्रार नोंदवू शकता.

टीप: सबसिडी थेट लाभ हस्तांतरण (DBT) द्वारे जमा होत असल्याने आधार लिंकिंग अनिवार्य आहे.