Kitchen Tips: डाळ-तांदूळ भिजवण्याचं नो टेन्शन! बनवा इन्स्टंट कुरकुरीत डोसा

Kitchen Tips: नाश्त्यामध्ये डोसा खायला सगळ्यांनाच आवडतो. त्यासाठी डाळ-तांदूळ भिजवून, वाटून पीठ आंबवावं लागतं.  हे सगळं काम वेळखाऊ असल्याने अनेकदा याचा कंटाळा केला जातो. हे सगळं न करता झटपट आणि कुरकुरीत डोसा कसा बनवायचा, ते इथे जाणून घेऊयात….

15 मिनिटांत हॉटेलसारखा कुरकुरीत डोसा

दक्षिण भारतात डोसा खूप प्रसिद्ध आहे, पण आता उत्तर भारतातही तो आवडीने खाल्ला जातो. घरी डोसा बनवायचा म्हणजे डाळ-तांदूळ भिजवणे, वाटणे आणि पीठ आंबवणे हे मोठे काम असते. पण आता 15 मिनिटांत हॉटेलसारखा कुरकुरीत डोसा बनवता येतो.

साहित्य आणि कृती

कुरकुरीत डोसा बनवण्यासाठी, एक कप रवा (उपमा रवा) मिक्सरमध्ये बारीक वाटून घ्या. हे पीठ एका भांड्यात काढून त्यात दोन चमचे गव्हाचे पीठ आणि दोन चमचे बेसन घाला. आता पाणी आणि अर्धा कप दही घालून पीठ चांगले एकत्र करा. हे मिश्रण 15 मिनिटे बाजूला ठेवा.

डोसा कसा घालावा?

आता गॅसवर तवा गरम करा. एका कच्च्या कांद्याने तवा चांगला घासून घ्या. मग थोडे तेल टाकून ते तव्यावर पसरवा. तवा चांगला तापल्यावर, पिठाचे मिश्रण डोशासारखे पातळ पसरवा. वरून थोडे तूप सोडा. दोन्ही बाजूंनी सोनेरी होईपर्यंत भाजून खोबऱ्याच्या चटणीसोबत खा. हा कुरकुरीत डोसा सगळ्यांना नक्की आवडेल.