Kitchen Tips: पहिल्यांदाच स्वयंपाक करणाऱ्यांसाठी आणि बॅचलर्ससाठी काही खास टिप्स. आमटी, भात, चपाती बनवण्यापासून ते फोडणी आणि इतर किचन हॅक्सबद्दलची माहिती इथे दिली आहे.
तुम्ही पहिल्यांदाच स्वयंपाक करत असाल किंवा बॅचलर असाल, तर काही गोष्टी माहित असणं गरजेचं आहे. विशेषतः नवीन लग्न झालेल्या मुलींसाठी या टिप्स खूप महत्त्वाच्या आहेत. या टिप्स वापरून तुम्ही चविष्ट जेवण बनवून कुटुंबाची मनं जिंकू शकता.
26
फोडणीत हिंग घातल्यास.....
आमटीत मीठ किंवा पाणी जास्त झाल्यास, त्यात उकडलेला बटाटा घाला. यामुळे आमटी घट्ट होते, खारटपणा कमी होतो आणि चवही वाढते. फोडणीत हिंग घातल्यास आमटीचा सुगंध घरभर पसरतो. आमटी जास्त आंबट झाल्यास त्यात लोण्याचा एक छोटा तुकडा टाका.
36
भातामध्ये पाणी जास्त झाल्यास...
जेवणात भात हवाच. भातामध्ये पाणी जास्त झाल्यास ते लगेच काढून टाका. भात मोकळा होण्यासाठी त्यात लिंबाच्या रसाचे काही थेंब आणि एक चमचा तेल किंवा तूप घाला. एक कप तांदळासाठी दोन कप पाणी हे योग्य प्रमाण आहे. या प्रमाणात भात शिजवल्यास तो व्यवस्थित शिजतो.
चपाती किंवा पुरीसाठी पीठ मळताना, हळूहळू पाणी घाला. तसेच, त्यात चिमूटभर मीठ आणि एक-दोन चमचे तेल किंवा तूप घालून पीठ मळा. यामुळे चपात्या मऊ होतात. पीठ मळल्यानंतर ते कमीत कमी २० ते ३० मिनिटे झाकून ठेवा.
56
फोडणी कशी द्यावी?
आमटी आणि भाजीला हॉटेलसारखी चव देण्यासाठी वरून एक फोडणी द्या. जिरे, मोहरी आणि कढीपत्त्याची फोडणी तयार करून आमटी व भाजीवर घाला. सॅलड बनवल्यास त्यात लिंबाचा रस पिळा, चव वाढेल. वरून दिलेल्या फोडणीमुळे पदार्थाचा तिखटपणाही कमी होतो.
66
तवा कसा वापरावा?
तव्यावर पोळी/चपाती/डोसा चिकटून काळा होत आहे का? तर तवा गरम करून त्यावर मीठ टाका आणि कापडाने चांगले पुसून घ्या. यामुळे चपाती/डोसा तव्याला चिकटणार नाही. कांदा कापताना डोळ्यातून पाणी येत असेल, तर चाकू ओला करा किंवा कांद्याची साले काढून तो पाण्यात बुडवून ठेवा.
