अनेक जण ट्रेनचं तिकीट ऑनलाईन बुक करतात, तर काही जण ऑफलाईन. पण एक गोष्ट कॉमन आहे - प्रत्येकाला, विशेषतः ज्येष्ठ नागरिकांना, खालची सीट म्हणजेच लोअर बर्थ हवा असतो. पण दुर्दैवाने तो सगळ्यांनाच मिळत नाही.
तुम्ही तिकीट काऊंटरवरून काढा किंवा ऑनलाईन, लोअर बर्थला नेहमीच जास्त मागणी असते, विशेषतः ज्येष्ठ प्रवाशांसाठी. पण प्रत्येक जण भाग्यवान नसतो. मात्र, तिकीट बुक करताना काही सोप्या टिप्स वापरल्यास तुमची शक्यता नक्कीच वाढू शकते.
26
खास ट्रिक
जेव्हा तुम्ही ट्रेनचं तिकीट बुक करता, तेव्हा नेहमी 'Choice of Berth' हा पर्याय निवडा. यात 'Lower Berth' निवडण्याची खात्री करा. या छोट्या गोष्टीने खूप फरक पडतो. जर तुम्ही 60 वर्षांवरील पुरुष किंवा 45 वर्षांवरील महिला असाल, तर सिस्टीम तुम्हाला लोअर बर्थसाठी प्राधान्य देते.
36
हा पर्याय शोधा
तिकीट बुक करताना, 'Book only if at least one lower berth is allotted' हा पर्याय शोधा. हा एक जबरदस्त पर्याय आहे. जर लोअर बर्थ उपलब्ध असेल, तरच सिस्टीम तुमचं तिकीट बुक करते. पण यात एक धोका आहे - जर लोअर बर्थ रिकामा नसेल, तर तुमचं तिकीट बुकिंगच होणार नाही.
जर तुम्हाला खरंच लोअर बर्थ हवा असेल, तर तुम्हाला तिकीट खूप आधीच बुक करावं लागेल. भारतीय रेल्वे प्रवासाच्या तारखेच्या 120 दिवस आधी तिकीट बुक करण्याची परवानगी देते. लवकर बुकिंग केल्याने लोअर बर्थ मिळण्याची शक्यता खूप वाढते, तर उशिरा बुकिंग केल्यास ती कमी होते.
56
जेष्ठ नागरिकाचा उल्लेख करा
जर तुम्ही एखाद्या ज्येष्ठ नागरिकासोबत प्रवास करत असाल, तर नेहमी 'Senior Citizen Quota' हा पर्याय निवडा. या पर्यायामुळे लोअर बर्थ मिळण्याची शक्यता खूप जास्त वाढते. त्यामुळे, बुकिंग करताना हा पर्याय निवडायला विसरू नका.
66
टीटीईसोबत बोलून मिळवू शकता सीट
तुमचं तिकीट कन्फर्म झालंय पण तरीही लोअर बर्थ मिळाला नाही तर? काळजी करू नका. एकदा तुम्ही ट्रेनमध्ये बसलात की, तुम्ही तिकीट ट्रॅव्हलिंग एक्झामिनर (TTE) यांच्याशी बोलू शकता. जर एखादा लोअर बर्थ रिकामा असेल किंवा दुसरा प्रवासी सीट बदलायला तयार असेल, तर TTE तुम्हाला मदत करू शकतात.
