आता आधार फेस व्हेरिफिकेशनसाठी सारखं ॲप बदलावं लागणार नाही. UIDAI ने एक नवीन सिस्टीम आणली आहे, ज्यामुळे बँकिंग आणि इन्शुरन्स ॲपमध्येच व्हेरिफिकेशन पूर्ण करता येईल.
मुंबई : बँक खातं उघडायचं असो किंवा इन्शुरन्स पॉलिसी घ्यायची, KYC लागतंच. आतापर्यंत आधार फेस व्हेरिफिकेशनसाठी एका ॲपमधून दुसऱ्या ॲपवर जावं लागायचं. पण आता UIDAI ने ही प्रक्रिया सोपी केली आहे. ग्लोबल फिनटेक फेस्ट 2026 मध्ये UIDAI ने 'आधार फेस ऑथेंटिकेशन SDK' आणि 'आधार फेस ऑथेंटिकेशन सँडबॉक्स' ही दोन नवीन टूल्स लाँच केली आहेत. यामुळे बँका, फिनटेक कंपन्या थेट त्यांच्या ॲपमध्येच व्हेरिफिकेशन करू शकतील.
24
प्रक्रिया अधिक सोपी आणि वेगवान
इलेक्ट्रॉनिक्स आणि आयटी मंत्रालयानुसार, सध्याच्या पद्धतीत फेस व्हेरिफिकेशनसाठी 'FaceRD' नावाचं वेगळं ॲप वापरावं लागतं. यामुळे युझर्सना सतत ॲप्स बदलावं लागत असल्याने त्रास होतो. पण आता नवीन SDK सिस्टीममुळे (जी अँड्रॉइड आणि iOS दोन्हीला सपोर्ट करते) युजर्स थेट बँकिंग किंवा इन्शुरन्स ॲपमध्येच व्हेरिफिकेशन पूर्ण करू शकतील. यामुळे डिजिटल KYC आणि सरकारी योजनांची नोंदणी प्रक्रिया खूप वेगवान होईल.
34
आधार फेस ऑथेंटिकेशन सँडबॉक्स
UIDAI ने 'आधार फेस ऑथेंटिकेशन सँडबॉक्स' नावाचं एक टेस्टिंग प्लॅटफॉर्मही सुरू केलं आहे. ही एक सुरक्षित लॅब आहे, जिथे कंपन्या आपल्या सेवा ग्राहकांपर्यंत पोहोचवण्याआधी फीचर्सची चाचणी करू शकतात. या सँडबॉक्समध्ये फेस कॅप्चर, युझरची परवानगी, व्हेरिफिकेशन आणि एरर हँडलिंग यांसारख्या गोष्टी तपासता येतात. विशेष म्हणजे, यासाठी कोणत्याही बायोमेट्रिक हार्डवेअरची गरज नाही.
या नवीन SDK टूलमध्ये सुरक्षेला सर्वाधिक महत्त्व दिलं आहे. यात आर्टिफिशियल इंटेलिजन्स (AI) आणि मशीन लर्निंग (ML) आधारित 'लाइव्हनेस' आणि 'अँटी-स्पूफिंग' फीचर्स आहेत. हे फीचर्स बनावट फोटो किंवा व्हिडिओद्वारे होणारी फसवणूक रोखतात. सुरक्षित डेटा ट्रान्सफरसाठी एन्क्रिप्शन सपोर्टही आहे. हे टूल सर्व प्रकारच्या स्मार्टफोनवर व्यवस्थित काम करतं. यामुळे सरकारी विभाग आणि बँकिंग क्षेत्राला आपल्या सेवा अधिक वेगाने देता येतील.
