Home Gardening: जास्वंदीचं झाड बाल्कनी आणि गार्डनमध्ये खूप सुंदर दिसतं. याला अनेक रंगांची फुलं येतात, जी आपण देवपूजेसाठी आणि घरातही वापरतो. पण अनेकदा या झाडाला कमी फुलं येतात, ज्यामुळे बागकाम करणाऱ्यांची निराशा होते.
लाल, गुलाबी, पांढरी आणि पिवळी फुलं ही जास्वंदीची ओळख आहे. अनेकदा झाड हिरवंगार असूनही त्याला फुलं कमी येतात. यामागचं कारण बागकाम करणाऱ्यांना कळत नाही. पण हिरव्यागार झाडालाही योग्य पोषणाची गरज असते. तुम्हालाही तुमच्या जास्वंदीच्या झाडावर भरपूर फुलं हवी असतील, तर त्यात एक पांढरी वस्तू नक्की मिसळा.
25
एप्सम सॉल्ट जास्वंदीवर जादू करतं
या पांढऱ्या वस्तूचं नाव आहे एप्सम सॉल्ट (Epsom Salt). हे दिसायला पांढऱ्या स्फटिकांसारखं असतं आणि झाडांसाठी खूप फायदेशीर मानलं जातं. यात असलेलं मॅग्नेशियम आणि सल्फर झाडाची वाढ आणि फुलांची संख्या वाढवतात.
35
हे खत झाडावर कसं काम करतं?
गार्डनिंगमधील संशोधनानुसार, मॅग्नेशियम झाडामध्ये क्लोरोफिलची निर्मिती वाढवतं. यामुळे झाडाची प्रकाशसंश्लेषण (photosynthesis) प्रक्रिया वेगाने होते. झाडाला जास्त ऊर्जा मिळते आणि भरपूर फुलं येऊ लागतात.
एक लिटर पाण्यात एक चमचा एप्सम सॉल्ट मिसळा. हे पाणी झाडाला घाला. महिन्यातून एक ते दोन वेळा ही प्रक्रिया करा. यामुळे झाड मजबूत होतं. तुम्ही हे थेट मातीतही थोडंसं मिसळू शकता.
55
जास्वंदीला जास्त फुलं आणण्यासाठी आणखी काही महत्त्वाच्या टिप्स
जास्वंद हे बाहेर ठेवण्याचं झाड आहे आणि त्याला ऊन आवडतं. त्याला ५-६ तास ऊन मिळेल याची खात्री करा. कमी उन्हामुळेही फुलं कमी येतात. सुकलेल्या फांद्या आणि जुनी पानं छाटून टाका. यामुळे नवीन फांद्या फुटतात आणि जास्त फुलं येतात. याशिवाय, महिन्यातून दोनदा शेणखत घाला. तुम्ही यात वर्मीकंपोस्ट, केळ्याच्या सालीची पावडरसुद्धा टाकू शकता.
