Health Tip: सकाळी झोपेतून उठल्यावर दिसणारी लक्षणं अनेकदा आपल्या आरोग्याची स्थिती सांगतात, असं तज्ज्ञ म्हणतात. ही लक्षणे आपल्याला आपलं आरोग्य कसं आहे हे सांगतात. त्यातील एक लक्षण म्हणजे तोंड कडू लागणं. सकाळच्या या लक्षणाबद्दल आता अधिक जाणून घेऊया.
साधारणपणे सकाळी उठल्यावर शरीर ताजेतवाने असले पाहिजे. पण काहींना तोंडात आंबट किंवा कडू चव जाणवते. हे एकदाच झाल्यास मोठी समस्या नाही. पण रोजच असा अनुभव येत असेल, तर हे शरीराने दिलेला इशारा समजावा. विशेषतः हे पोटाच्या समस्येचे लक्षण असू शकते.
25
तोंडाच्या समस्यांचा पोटाशी असलेला संबंध
तोंडात येणाऱ्या अनेक समस्यांचा थेट संबंध पोटाशी असतो. पोट व्यवस्थित काम करत असेल तर तोंडाची दुर्गंधी, कडू चव यांसारख्या समस्या कमी होतात. पोटातील पचनक्रिया कमजोर झाल्यास त्याचा परिणाम तोंडावर दिसून येतो. म्हणूनच सकाळी कडू चव येणे हे पोट ठीक नसल्याचे लक्षण आहे.
35
पोटाच्या कोणत्या समस्येमुळे असे होते?
आधुनिक वैद्यकीय पद्धतीत याला ॲसिड रिफ्लक्सची समस्या म्हणतात. पोटात ॲसिड जास्त तयार होऊन वर आल्यामुळे तोंडात आंबट किंवा कडू लागते. आयुर्वेदानुसार, हे पित्त दोष वाढल्यामुळे होते. पित्त वाढल्यास पोटात ॲसिड वाढते. याचा परिणाम केवळ पचनसंस्थेवरच नाही, तर हाडे आणि सांध्यांच्या मजबूतीवरही होतो.
रात्रीच्या वेळी केलेल्या चुकांमुळे ही समस्या वाढते
रात्री उशिरा जेवण करणे, अल्कोहोल आणि तंबाखूचे व्यसन, जास्त वेळ उपाशी राहणे, पचनशक्ती कमी होणे, यकृत नीट काम न करणे यांसारख्या गोष्टींमुळे पोटात ॲसिड वाढते. परिणामी, सकाळी तोंडात कडू चव येते.
55
आयुर्वेदिक उपाय आणि जीवनशैलीतील बदल
त्रिफळा चूर्ण या समस्येवर एक चांगला उपाय आहे. रात्री झोपण्यापूर्वी कोमट पाण्यासोबत अर्धा चमचा त्रिफळा चूर्ण घ्या. यामुळे सकाळी बद्धकोष्ठता होत नाही आणि पित्त कमी होते.
रात्रीचे जेवण लवकर करावे. जेवल्यानंतर लगेच झोपू नये. थोडा वेळ चालावे. डाव्या कुशीवर झोपणे चांगले असते. असे केल्याने पोटातील ॲसिड वर येणे कमी होते.
तांब्याच्या भांड्यात रात्रभर पाणी ठेवून सकाळी पिणे देखील फायदेशीर आहे. यामुळे पोटातील ॲसिड कमी होते आणि शरीर शुद्ध होते. जेवणानंतर बडीशेप चघळल्याने पचनक्रियेस मदत होते.
मानसिक ताण कमी करणे खूप आवश्यक आहे. ताण वाढल्यास पोटात ॲसिडचे उत्पादन सामान्यपेक्षा जास्त वाढते.
टीप: वर दिलेली माहिती केवळ प्राथमिक माहितीसाठी आहे. आरोग्याशी संबंधित बाबतीत डॉक्टरांचा सल्ला घेणेच उत्तम.
