Health care : तोंडाच्या कर्करोगामागे ही आहेत 2 मुख्य कारणे; अभ्यासातून झाले उघड!

Health care : सध्या कॅन्सरचे रुग्ण वाढत असल्याचे चित्र आहे. सेंटर फॉर कॅन्सर एपिडेमियोलॉजी आणि महाराष्ट्रातील होमी भाभा नॅशनल इन्स्टिट्यूटमधील संशोधकांच्या टीमने केलेल्या अभ्यासात काही तथ्ये समोर आली आहेत.

Health care : आजकाल कॅन्सरच्या रुग्णांची संख्या वाढत असल्याचे दिसते. श्रीमंत असो की गरीब, अनेकजण कॅन्सरने ग्रस्त आहेत. व्यसनाधीन असलेल्या लोकांना कॅन्सरचा धोका जास्त असतो. मात्र, कसलेही व्यसन नसलेल्यांना देखील हा रोगाने ग्रासले आहे. दैनंदिन ताणतणावाच्या नावाखाली व्यसनांच्या आहारी जाणाऱ्यांची संख्याही वाढतच आहे. वास्तवात यामुळे ताणतणावातून सुटका होते का, हा खरा प्रश्न आहे. केवळ तंबाखू, गुटखाच नव्हे तर, मद्यपानही या जीवघेण्या रोगाला निमंत्रण देते. 

एका अभ्यासानुसार, भारतात दहापैकी सहापेक्षा जास्त लोकांना नियमित मद्यपानामुळे तोंडाचा कर्करोग होतो. गुटखा, पान मसाला आणि खैनी यांसारख्या तंबाखूजन्य पदार्थांच्या वापरामुळेही तोंडाच्या कर्करोगाचा धोका वाढतो, असे संशोधकांचे म्हणणे आहे.

सेंटर फॉर कॅन्सर एपिडेमियोलॉजी आणि महाराष्ट्रातील होमी भाभा नॅशनल इन्स्टिट्यूटमधील संशोधकांच्या टीमने केलेल्या अभ्यासात ही बाब समोर आली आहे. दररोज 2 ग्रॅमपेक्षा कमी बिअर प्यायल्याने तोंडाच्या म्यूकोसा कर्करोगाचा धोका वाढतो, असे आढळून आले आहे. त्याच वेळी, दिवसाला 9 ग्रॅम मद्यपान केल्यानेही तोंडाच्या कर्करोगाचा धोका वाढतो.

भारतातील सर्व बक्कल म्यूकोसा कर्करोगांपैकी दहापैकी एकापेक्षा जास्त (सुमारे 11.5 टक्के) प्रकरणे मद्यपानामुळे होतात. मेघालय, आसाम आणि मध्य प्रदेश यांसारख्या काही राज्यांमध्ये, जिथे या आजाराचा प्रादुर्भाव जास्त आहे, तिथे हे प्रमाण 14 टक्क्यांपर्यंत वाढले आहे, असे अभ्यासात नमूद केले आहे. हा अभ्यास 'बीएमजे ग्लोबल हेल्थ' या ओपन ॲक्सेस जर्नलमध्ये प्रकाशित झाला आहे.

ग्रेस सारा जॉर्ज यांच्या नेतृत्वाखालील अभ्यासकांच्या टीमने स्पष्ट केले की, तंबाखू कितीही काळ वापरला गेला असला तरी, तोंडाच्या कर्करोगाचा धोका वाढवण्यात मद्यपान हा एक महत्त्वाचा घटक आहे. तोंडाचा कर्करोग हा भारतातील दुसरा सर्वात सामान्य घातक आजार आहे, ज्यात दरवर्षी 143,759 नवीन प्रकरणे आणि 79,979 मृत्यू होतात. या आजाराचे प्रमाण सातत्याने वाढत आहे.

या अभ्यासात, संशोधकांनी 2010 ते 2021 दरम्यान पाच वेगवेगळ्या अभ्यास केंद्रांमधून बक्कल म्यूकोसा कर्करोगाचे निदान झालेल्या 1,803 लोकांची आणि हा आजार नसलेल्या 1,903 लोकांची तुलना केली. 

सहभागींपैकी बहुतेक जण 35 ते 54 वयोगटातील होते. 25 ते 45 वयोगटातील लोकांमध्ये तोंडाचा कर्करोग अधिक प्रमाणात आढळून आला. तोंडाच्या कर्करोगाचा धोका टाळण्यासाठी मद्यपान आणि तंबाखूचा वापर टाळणे किंवा कमी करणे आवश्यक आहे, असे संशोधकांचे म्हणणे आहे.