Health Alert: पोटाचं आरोग्य म्हणजे आपल्या पचनसंस्थेतील, विशेषतः आतड्यांमधील सूक्ष्मजीवांचा (मायक्रोबायोम) योग्य समतोल आणि कार्यप्रणाली. याकडे लक्ष देणं खूप महत्त्वाचं आहे.
पोटाचं आरोग्य म्हणजे पचनसंस्थेतील सूक्ष्मजीवांचा समतोल. एक निरोगी आतडं अन्न व्यवस्थित पचवतं, पोषक तत्वं शोषून घेतं, शरीरातील कचरा बाहेर टाकतं आणि आपली रोगप्रतिकारशक्ती, चयापचय क्रिया (metabolism) आणि मूड चांगला ठेवण्यास मदत करतं.
210
"तुमचं आतडं, तुमचं आरोग्य" ही या वर्षीची थीम आहे.
आपल्या आतड्यांच्या आरोग्याचा थेट परिणाम मेंदूवर होतो, त्यामुळे पचनसंस्था चांगली ठेवणं गरजेचं आहे. दरवर्षी 29 मे रोजी 'जागतिक पचन आरोग्य दिन' साजरा केला जातो. या वर्षीची थीम आहे 'तुमचं आतडं, तुमचं आरोग्य.' (Your Gut, Your Health). पोटाचं आरोग्य बिघडल्यास शरीर काही संकेत देतं, ते जाणून घेऊया.
310
सतत पोटात दुखणं किंवा अस्वस्थ वाटणं हे पोटाच्या आरोग्याशी संबंधित समस्यांचं लक्षण असू शकतं.
सतत पोटात दुखणं किंवा अस्वस्थ वाटणं हे पोटाच्या आरोग्याशी संबंधित समस्यांचं पहिलं लक्षण आहे. हे आतड्यातील बॅक्टेरियाच्या असंतुलनामुळे किंवा काही पदार्थ पचायला जड जात असल्यामुळे होऊ शकतं.
सतत बद्धकोष्ठता किंवा जुलाब होणं हे सुद्धा एक महत्त्वाचं लक्षण आहे.
सतत बद्धकोष्ठता किंवा जुलाब होणं हे सुद्धा एक महत्त्वाचं लक्षण आहे. हे आतड्यांमधील सूज, इन्फेक्शन किंवा इतर पचनविकारांचे संकेत असू शकते, ज्याकडे लक्ष देणं आवश्यक आहे.
510
पोट सतत फुगलेलं राहणं आणि खूप जास्त गॅस होणं, ही पचनसंस्थेचा समतोल बिघडल्याची सामान्य लक्षणं आहेत.
पोट सतत फुगलेलं राहणं आणि खूप जास्त गॅस होणं, ही पचनसंस्थेचा समतोल बिघडल्याची सामान्य लक्षणं आहेत. याकडे दुर्लक्ष करू नका.
610
त्वचेच्या समस्यांमागे पोटाचं आरोग्य कारणीभूत असू शकतं.
चेहऱ्यावर मुरुमं किंवा एक्झिमासारख्या त्वचेच्या समस्या असतील, तर त्यामागे पोटाचं आरोग्य कारणीभूत असू शकतं. एका अभ्यासात असं आढळलं आहे की, एक्झिमा असलेल्या लोकांच्या आतड्यांमध्ये निरोगी लोकांपेक्षा वेगळे बॅक्टेरिया असतात.
710
वारंवार छातीत जळजळ होणं किंवा ॲसिड रिफ्लक्स होणं हे सुद्धा एक लक्षण आहे.
वारंवार छातीत जळजळ होणं किंवा ॲसिड रिफ्लक्स होणं हे गॅस्ट्रोएसोफेगल रिफ्लक्स डिसीज (GERD) किंवा पोटाच्या इतर समस्यांचं लक्षण असू शकतं. याकडे वेळीच लक्ष द्या.
810
पोटाचं आरोग्य बिघडल्यास सतत थकवा जाणवतो.
ज्या लोकांच्या पोटाचं आरोग्य बिघडलेलं असतं, त्यांना सतत थकवा जाणवतो. पुरेशी झोप घेऊनही तुम्हाला थकल्यासारखं वाटत असेल, तर हे खराब आतड्यांच्या आरोग्याचं लक्षण असू शकतं.
910
एखाद्या गोष्टीवर लक्ष केंद्रित करायला त्रास होणं हे सुद्धा एक लक्षण आहे.
एखाद्या गोष्टीवर लक्ष केंद्रित करायला त्रास होत असेल किंवा सतत आळस जाणवत असेल, तर हे तुमच्या पोटाचं आरोग्य ठीक नसल्याचं लक्षण असू शकतं. याला 'ब्रेन फॉग' असंही म्हणतात.
1010
शौचातून रक्त येणं हा एक गंभीर धोक्याचा इशारा आहे.
शौचातून रक्त येणं हा एक गंभीर धोक्याचा इशारा आहे. असं झाल्यास ताबडतोब डॉक्टरांचा सल्ला घ्या. हे अल्सर किंवा मोठ्या आतड्याच्या गंभीर समस्यांचं लक्षण असू शकतं.
