Fastag New Rules 2026: भारतीय राष्ट्रीय महामार्ग प्राधिकरणाने (NHAI) २०२६-२७ साठी फास्टॅगचे नवीन नियम लागू केले आहेत. यामध्ये फास्टॅग योग्य ठिकाणी लावण्यापासून ते रस्त्यांच्या दुरुस्तीदरम्यान अर्धा टोल भरण्यापर्यंतच्या नियमांचा समावेश आहे.
मुंबई: उन्हाळ्याच्या सुट्ट्या असोत किंवा विकेंडची 'रोड ट्रिप', हायवेवरचा प्रवास आता फास्टॅगमुळे (FASTag) सुसाट झाला आहे. पण, कधी टोल नाक्यावर बॅलन्स असूनही स्कॅन होत नाही, तर कधी विनाकारण दुप्पट दंड भरावा लागतो. भारतीय राष्ट्रीय महामार्ग प्राधिकरणाने (NHAI) २०२६-२७ या वर्षासाठी नियमांमध्ये काही महत्त्वपूर्ण बदल केले आहेत. हे नियम माहित असतील, तर तुमचे पैसेही वाचतील आणि मनस्तापही टळेल.
26
१. फास्टॅग फक्त असून चालणार नाही, तो 'येथे' हवाच!
अनेकजण फास्टॅग काचेवर न चिकटवता डॅशबोर्डवर ठेवतात किंवा हातात धरून स्कॅन करण्याचा प्रयत्न करतात. आता सावधान! जर तुमचा फास्टॅग गाडीच्या विंडस्क्रीनवर (काचेवर) आतून योग्य ठिकाणी चिकटवलेला नसेल, तर तुमच्याकडे बॅलन्स असूनही दुप्पट टोल वसूल केला जाईल. त्यामुळे प्रवासाला निघण्यापूर्वी तो नीट चिकटवलेला आहे ना, हे तपासा.
36
२. रस्त्याचं काम सुरू आहे? मग अर्धाच टोल द्या!
हा नियम ९०% प्रवाशांना माहित नाही. रस्ते वाहतूक मंत्रालयाच्या मार्गदर्शक तत्त्वांनुसार, जर एखाद्या नॅशनल हायवेवर दुरुस्ती किंवा रुंदीकरणाचे काम सुरू असेल, तर प्रवाशांकडून पूर्ण टोल घेता येत नाही. अशा वेळी तुम्हाला केवळ ५० टक्के (अर्धी रक्कम) टोल भरण्याचा अधिकार आहे. नियमाचा हा 'टाॅल' तुम्हाला नक्कीच पैसे वाचवून देईल.
जर तुमच्या गाडीत ॲक्टिव्ह फास्टॅग नसेल, तर रोख (Cash) पैसे दिल्यास पूर्वीप्रमाणेच दुप्पट दंड लागेल. पण डिजिटल इंडियाला प्रोत्साहन देण्यासाठी सरकारने एक सुवर्णमध्य काढला आहे. रोख रकमेऐवजी जर तुम्ही UPI द्वारे पेमेंट केले, तर दुप्पट ऐवजी केवळ १.२५ पट (१२५%) शुल्क आकारले जाईल. थोडक्यात, खिशातून जास्तीचे पैसे जाण्यापेक्षा UPI चा वापर नक्कीच परवडणारा आहे.
56
४. 'अॅनुअल पास'च्या दरात वाढ
जे प्रवासी एकाच टोलवरून वारंवार ये-जा करतात, त्यांच्यासाठी वार्षिक पास सोयीचा असतो. NHAI ने २०२६-२७ साठी या पासच्या दरात ७५ रुपयांची वाढ केली असून आता नवीन किंमत ३,०७५ रुपये झाली आहे. या पासमुळे तुम्ही वर्षातून २०० वेळा टोल ओलांडू शकता, ज्यामुळे वारंवार रिचार्ज करण्याची कटकट संपते.
66
५. 'राजमार्ग यात्रा' अॅप, तुमचा हायवेवरील सोबती
प्रवासात काही अडचण आली किंवा टोलबाबत तक्रार असेल, तर १०३३ हा हेल्पलाईन नंबर डायल करा. तसेच, 'राजमार्ग यात्रा' (Rajmarg Yatra) हे अॅप तुमच्या फोनमध्ये असायलाच हवे. या अॅपच्या मदतीने तुम्ही
फास्टॅग मॅनेज करू शकता.
जवळचा पेट्रोल पंप, रुग्णालय आणि ईव्ही चार्जिंग स्टेशन शोधू शकता.
हवामानाचे आणि रस्त्यावरील स्थितीचे लाइव्ह अपडेट्स मिळवू शकता.
