Mehndi Designs: बकरीदसाठी खास दुबई स्टाईल मेहंदी, पाहा 7 हटके पॅटर्न्स!

Mehndi Designs बकरी ईद जवळ आलीये आणि हातावर मेहंदी काढायची तयारी सुरू झाली असेल. यंदा काहीतरी नवीन ट्राय करायचं असेल तर दुबईची प्रसिद्ध 'खिलजी मेहंदी' डिझाइन नक्की पाहा. जाळी वर्क, फ्लोरल बेल आणि मिनिमल पॅटर्नचे हे 7 प्रकार तुमच्या हातांना एकदम रॉयल आणि ट्रेंडी लुक देतील.

यावर्षी बकरीद २८ मे रोजी साजरी होणार आहे. सणासाठी कपडे आणि मेकअप तर ठरला असेल, पण हातावरच्या मेहंदीचं काय? अजून काही ठरवलं नसेल, तर ही बातमी तुमच्यासाठीच आहे. आम्ही तुमच्यासाठी दुबईच्या प्रसिद्ध 'खिलजी मेहंदी' डिझाइन्स घेऊन आलो आहोत. या डिझाइन्स दिसायला स्टायलिश आणि खूप वेगळ्या आहेत. हातांचं सौंदर्य वाढवण्यासाठी हे ७ हिना पॅटर्न्स नक्की ट्राय करून बघा.

दुबई मेहंदी रीथ डिझाइन

ही डिझाइन खूपच मॉडर्न आणि युनिक आहे. यामध्ये हाताच्या मागच्या बाजूला डायमंड-स्क्वेअर आकारात गुलाबाची मोठी फुलं काढली आहेत. बोटांवर दाट जाळी वर्क आणि टोकांवर डार्क कॅपिंग केली आहे. तुम्हाला बोल्ड आणि रॉयल लुक हवा असेल, तर अशी मेहंदी हातावर काढू शकता. ही मेहंदी काढणार असाल तर हातातील दागिने आणि कपडे सिंपल ठेवा.

अरेबिक बेल लीफ ट्रेल मेहंदी

ही एक क्लासिक दुबई स्टाईल मेहंदी डिझाइन आहे. ही डिझाइन मनगटापासून सुरू होऊन तर्जनीपर्यंत (index finger) जाते. तुम्हाला वेलबुट्टीचं काम आवडत असेल, तर हा एक चांगला पर्याय आहे. सोबत शेडिंग केलेली फुलं आणि पानं खूप सुंदर दिसतात. बोटांवर बारीक रेषा काढल्या आहेत. हात जास्त भरलेला आवडत नसेल, तर अशी सोबर डिझाइन निवडू शकता.

खिलजी मेहंदी डिझाइन

खिलजी हिना पॅटर्नचं वैशिष्ट्य म्हणजे त्याची डार्क शेडिंग. ही डिझाइन पूर्ण हात न भरता मनगटापासून सुरू होऊन करंगळीपर्यंत जाते. यात दोन वेगवेगळ्या सुंदर वेली काढल्या आहेत. मधली रिकामी जागा या पॅटर्नला आणखी खास बनवते.

जाळी वर्क खिलजी मेहंदी डिझाइन

ही डिझाइन 3D वर्कसारखा फील देते. हे डिझाइन म्हणजे मंडला, जाळी वर्क आणि खिलजी डिझाइनचं कॉम्बिनेशन आहे. हाताच्या मागच्या बाजूला छोटी-छोटी वर्तुळं, डॉट्स आणि पानं काढली आहेत. सोबतच गोल चक्र खूप छान दिसतात. तुम्हाला मनगटावर काहीतरी भडक आणि वेगळं हवं असेल, तर हा एक उत्तम पर्याय आहे. हेवी आणि फेस्टिव्ह लुकसाठी ही डिझाइन बेस्ट आहे.

खिलजी फ्लोरल बेल डिझाइन

ज्यांना पारंपरिक आणि मॉडर्न लुकचं कॉम्बिनेशन आवडतं, त्यांच्यासाठी हा मेहंदी लुक बेस्ट आहे. यात मनगटापासून बोटांपर्यंत फुलांची वळणदार वेल काढली जाते. सोबतच शेडिंग केलेल्या लहान फुलांमुळे 3D लुक येतो. बोटांवरील बुट्टा वर्कमुळे हात भरलेला दिसतो आणि क्लासी लुक येतो. बकरीदसाठी ही डिझाइन परफेक्ट आहे.

मिनिमल मेहंदी डिझाइन

तुम्हाला हातभर मेहंदी आवडत नसेल, तर तुम्ही ही डिझाइन निवडू शकता. हा 'स्पेस कट' पॅटर्न आहे, ज्यात पातळ आणि बारीक रेषांचा वापर केला आहे. यात काढलेल्या कळ्या आणि छोटी पानं खूप सुंदर दिसतात. तुम्ही हाताच्या पुढच्या आणि मागच्या बाजूसाठी (Front-Back Mehndi) ही डिझाइन निवडू शकता. ही एकदम क्लीन आणि मॉडर्न दिसते.

अरेबिक रोझ अँड कफ मेहंदी

ही डिझाइन थोडी बोल्ड आणि पारंपरिक आहे. तुम्हाला अरेबिक स्टाईल आवडत असेल, तर हा एक चांगला पर्याय आहे. अशा मेहंदीमध्ये डार्क आणि लाईट शेड्सचा वापर केला जातो. बोटांवर दागिन्यांसारखा (ring style) लुक देण्यासाठी बारीक रेषा आणि जाळी काढली आहे. तुम्हीही असं काहीतरी नक्की ट्राय करू शकता.