Wall Planter: घराच्या भिंतींना द्या नवा लुक, हे 7 डिझाइन्स आहेत एकदम 'ट्रेंडी'!

तुमच्या लिव्हिंग रूमच्या भिंतींना लक्झरी आणि मॉडर्न लुक द्यायचा आहे? मग हे मॉडर्न वॉल प्लांटर डिझाइन्स नक्की ट्राय करा. कमी जागेतही या डिझाइन्समुळे घर स्टायलिश आणि निसर्गरम्य दिसू शकतं.

आपल्या लिव्हिंग रूममधल्या रिकाम्या भिंतीला जास्त खर्च न करता एक लक्झरी टच द्यायचा असेल, तर वॉल प्लांटर्स हा एक भारी पर्याय ठरू शकतो. यामुळे घरात फक्त हिरवळच येत नाही, तर घराला एक प्रीमियम, एस्थेटिक आणि मॉडर्न लुकसुद्धा मिळतो. चांगली गोष्ट म्हणजे, आजकाल बाजारात अनेक मॉडर्न वॉल प्लांटर डिझाइन्स उपलब्ध आहेत, जे लहान घरांमध्ये आणि अपार्टमेंटमध्येही सहजपणे फिट होतात. तुम्हालाही लिव्हिंग रूमची भिंत स्टायलिश बनवायची असेल, तर हे ७ वॉल प्लांटर डिझाइन्स तुम्ही ट्राय करू शकता.

मेटल रिंग वॉल प्लांटर

तुम्हाला जर लक्झरी इंटेरिअर आवडत असेल, तर मेटल रिंग वॉल प्लांटर खूपच छान दिसेल. गोल्डन किंवा मॅट ब्लॅक मेटल फ्रेममध्ये छोटी रोपं लावल्यास भिंतीला एखाद्या प्रीमियम हॉटेलसारखा लुक येतो. हा प्लांटर सोफ्याच्या मागच्या भिंतीवर लावल्यास तो अधिक सुंदर दिसू शकतो.

जिओमेट्रिक शेप वॉल प्लांटर

तुम्ही जर मॉडर्न डेकोरचे चाहते असाल, तर जिओमेट्रिक म्हणजेच भौमितिक आकाराचे प्लांटर डिझाइन ट्राय करा. हेक्सागॉन (षटकोनी), ट्रँगल (त्रिकोणी) किंवा कोणत्याही ॲबस्ट्रॅक्ट आकाराचे प्लांटर्स भिंतीला स्टायलिश आणि हटके लुक देऊ शकतात. यात सक्यूलेंट्स किंवा छोटी इंडोअर रोपं खूप छान दिसतात.

वुडन शेल्फ वॉल प्लांटर

तुम्हाला जर घरात एक उबदार आणि आरामदायक (वॉर्म आणि कोझी) लुक हवा असेल, तर वुडन शेल्फ प्लांटर एक उत्तम पर्याय आहे. यामध्ये छोट्या कुंड्यांना लेयर्ड स्टाइलमध्ये ठेवता येतं. बेज किंवा अर्दी थीम असलेल्या लिव्हिंग रूममध्ये हे डिझाइन खूप सुंदर दिसतं.

हँगिंग ग्लास प्लांटर

तुम्हाला मिनिमलिस्ट पण लक्झरी लुक हवा असेल, तर ग्लास वॉल प्लांटर ट्राय करा. पारदर्शक काचेच्या कंटेनरमध्ये मनी प्लांट किंवा लकी बांबू ठेवल्यास भिंत खूपच क्लासी दिसू शकते. कमी जागेसाठी हा एक परफेक्ट पर्याय मानला जातो.

पॉकेट फॅब्रिक वॉल प्लांटर

जागा कमी असेल, तर फॅब्रिक पॉकेट वॉल प्लांटर हा एक जबरदस्त पर्याय आहे. यात अनेक छोटे छोटे पॉकेट्स असतात, जिथे तुम्ही लहान रोपं किंवा औषधी वनस्पती लावू शकता. यामुळे व्हर्टिकल गार्डनसारखा लुक येतो आणि अपार्टमेंटच्या भिंतींसाठी हा एक चांगला पर्याय मानला जातो.

केन (Cane) किंवा बोहो वॉल प्लांटर

तुम्हाला जर पिंटरेस्ट-इंस्पायर्ड डेकोर आवडत असेल, तर केन म्हणजेच वेताचा वॉल प्लांटर खूप छान दिसेल. याचं नॅचरल टेक्सचर लिव्हिंग रूमला एक सॉफ्ट लक्झरी फील देतं आणि इंडोअर रोपांसोबत एक 'एस्थेटिक कॉर्नर' तयार करतं.

LED वॉल प्लांटर डिझाइन

तुम्हाला जर काहीतरी हटके डेकोरेशन करायचं असेल, तर LED लाइटवाले वॉल प्लांटर ट्राय करा. सॉफ्ट वॉर्म लायटिंगसोबत लावलेली रोपं भिंतीला एक रिच आणि लक्झरी फील देऊ शकतात, विशेषतः संध्याकाळच्या वेळी हे खूप आकर्षक दिसतं.