Cricket : भारताचा युवा खेळाडू वैभव सूर्यवंशीने पुन्हा एकदा अवघ्या 36 चेंडूत शतक झळकावले आहे. झंझावाती शतक झळकावून वैभवने वयाच्या 14 व्या वर्षी डिव्हिलियर्सचा विक्रम मोडीत काढला आहे.
Cricket : बिहारचा 14 वर्षीय युवा खेळाडू वैभव सूर्यवंशीने विजय हजारे ट्रॉफी सामन्यात वादळी शतक झळकावले आहे. विजय हजारे ट्रॉफीच्या प्लेट लीग सामन्यात अरुणाचल प्रदेशविरुद्ध बिहारकडून सलामीला येत वैभवने केवळ 36 चेंडूत शतक ठोकून विक्रम केला.
24
ठोकले 15 षटकार!
क्रिकेटमध्ये भारतीय फलंदाजाचे हे दुसरे सर्वात वेगवान शतक आहे. वैभव सूर्यवंशीने 84 चेंडूत 16 चौकार आणि 15 षटकारांसह 190 धावा केल्या, त्याचे द्विशतक हुकले. केवळ 54 चेंडूत 150 धावा पूर्ण करत वैभवने क्रिकेटमध्ये सर्वात जलद 150 धावा करण्याचा विश्वविक्रमही केला.
34
एबी डिव्हिलियर्सचा विक्रम मोडला
त्याने 64 चेंडूत 150 धावा करणाऱ्या एबी डिव्हिलियर्सचा विक्रमही मोडला आहे. क्रिकेटमध्ये सर्वात वेगवान शतकाचा भारतीय विक्रम पंजाबच्या अनमोलप्रीत सिंगच्या नावावर आहे. त्याने 2024 च्या विजय हजारे ट्रॉफीमध्ये अरुणाचलविरुद्ध 35 चेंडूत शतक झळकावले होते. वैभवचा तो विक्रम अवघ्या एका चेंडूने हुकला.
जागतिक स्तरावरील क्रिकेटमध्ये सर्वात वेगवान शतकाचा विक्रम ऑस्ट्रेलियन खेळाडू जेक फ्रेझर-मॅकगर्कच्या नावावर आहे. 2023 मध्ये त्याने दक्षिण ऑस्ट्रेलियाकडून खेळताना 29 चेंडूत शतक पूर्ण केले होते.
त्यानंतर 31 चेंडूत शतक झळकावणारा एबी डिव्हिलियर्स हा वनडेतील दुसरा सर्वात वेगवान शतकवीर आहे. त्याचवेळी, वैभव सूर्यवंशीने क्रिकेटमध्ये 40 चेंडूत शतक झळकावणाऱ्या युसूफ पठाण आणि 42 चेंडूत शतक झळकावणाऱ्या अभिषेक शर्माला मागे टाकले.
