Car Market: पेट्रोल-डिझेलच्या वाढत्या किमतींमुळे अनेकजण आता CNG गाड्यांना पसंती देत आहेत. भारतीय बाजारात हॅचबॅक, सेडान आणि एसयूव्ही सेगमेंटमध्ये अनेक स्वस्त CNG गाड्या उपलब्ध आहेत. या गॅलरीमधून आपण अशाच टॉप 5 गाड्यांबद्दल जाणून घेणार आहोत.
बजेट CNG गाड्यांच्या यादीत मारुती सुझुकी एस-प्रेसो CNG पहिल्या क्रमांकावर आहे. या गाडीची सुरुवातीची एक्स-शोरूम किंमत 4.62 लाख रुपये आहे. यात 1.0-लिटर इंजिन आणि ५-स्पीड मॅन्युअल गिअरबॉक्स आहे. CNG मोडवर ही कार 57 PS पॉवर आणि 82.1 Nm टॉर्क जनरेट करते. कंपनीच्या दाव्यानुसार, ही गाडी एका किलो CNG मध्ये 32.73 किमी मायलेज देते. शहरांमधील रोजच्या प्रवासासाठी हा एक उत्तम पर्याय आहे. याच रेंजमध्ये मारुती सुझुकी अल्टो K10 CNG सुद्धा उपलब्ध आहे, जिची सुरुवातीची किंमत 4.82 लाख रुपये आहे.
26
मारुती सुझुकी वॅगनआर CNG
वॅगनआर ही भारतातील सर्वात लोकप्रिय फॅमिली हॅचबॅकपैकी एक आहे. वॅगनआर CNG व्हेरिएंटची एक्स-शोरूम किंमत 5.89 लाख रुपये आहे. यात 1.0लिटर पेट्रोल-CNG इंजिन आहे, जे 57 hp पॉवर आणि 82.1 Nm टॉर्क निर्माण करतं. 5-स्पीड मॅन्युअल गिअरबॉक्ससह येणारी ही कार एका किलो CNG मध्ये 34.05 किमी मायलेज देते, असा कंपनीचा दावा आहे. सध्या सर्वाधिक मायलेज देणाऱ्या गाड्यांपैकी ही एक आहे.
36
टाटा टियागो CNG
मारुतीच्या गाड्यांना पर्याय शोधणाऱ्यांसाठी टाटा टियागो CNG एक चांगला पर्याय आहे. या गाडीची सुरुवातीची किंमत 5.49 लाख रुपये आहे. टियागोमध्ये 1.2-लिटर पेट्रोल-CNG इंजिन आहे. CNG मोडवर ही गाडी 73 hp पॉवर आणि 95 Nm टॉर्क जनरेट करते. या गाडीचं वैशिष्ट्य म्हणजे यात मॅन्युअल गिअरबॉक्ससोबत AMT ऑटोमॅटिक गिअरबॉक्सचा पर्यायही मिळतो. या सेगमेंटमध्ये हे एक दुर्मिळ फीचर आहे. कंपनीच्या मते, टियागो CNG चं मायलेज 26.49 किमी प्रति किलो आहे.
ज्यांना हॅचबॅकऐवजी सेडान कार आवडते, त्यांच्यासाठी मारुती सुझुकी डिझायर CNG एक चांगला पर्याय आहे. या गाडीची सुरुवातीची एक्स-शोरूम किंमत 8.03 लाख रुपये आहे. यातील 1.2-लिटर पेट्रोल इंजिन CNG मोडवर 70 PS पॉवर आणि 102 Nm टॉर्क निर्माण करतं. 5-स्पीड मॅन्युअल गिअरबॉक्ससह येणारी ही कार एका किलो CNG मध्ये 33.73 किमीपर्यंत मायलेज देईल, असा कंपनीचा दावा आहे. ही देशातील सर्वाधिक मायलेज देणाऱ्या सेडान गाड्यांपैकी एक आहे.
56
टाटा पंच CNG
कमी बजेटमध्ये CNG SUV घेऊ इच्छिणाऱ्यांसाठी टाटा पंच CNG एक उत्तम पर्याय आहे. या SUV ची सुरुवातीची किंमत 6.74 लाख रुपये आहे. यात 1.2 लिटर रेवोट्रॉन iCNG इंजिन आहे. CNG मोडवर ही गाडी 73.3 hp पॉवर आणि 103 Nm टॉर्क जनरेट करते. यात मॅन्युअल आणि AMT गिअरबॉक्स असे दोन्ही पर्याय उपलब्ध आहेत. कंपनीच्या म्हणण्यानुसार, या गाडीचं मायलेज सुमारे 26.99 किमी प्रति किलो आहे. टाटा पंच CNG चं खास वैशिष्ट्य म्हणजे तिचं ट्विन-सिलेंडर तंत्रज्ञान. यामुळे CNG सिलेंडर बसवल्यानंतरही बूट स्पेसचा मोठा भाग वापरता येतो.
66
CNG गाड्या का आहेत एक चांगला पर्याय?
वाढत्या इंधन दरांच्या काळात, CNG गाड्या कमी खर्चात जास्त प्रवास करण्यास मदत करतात. पेट्रोल गाड्यांच्या तुलनेत यांचा रनिंग कॉस्ट खूपच कमी असतो. रोज लांबचा प्रवास करणारे कर्मचारी, व्यावसायिक आणि कुटुंबांसाठी या गाड्या आर्थिकदृष्ट्या फायदेशीर ठरतात. कमी देखभाल खर्च, उत्तम मायलेज आणि पर्यावरणासाठी कमी प्रदूषण या कारणांमुळे CNG गाड्यांचं महत्त्व दिवसेंदिवस वाढत आहे.
