Car Market: पेट्रोल-डिझेलच्या वाढत्या किमती, मोठं कुटुंब आणि सुरक्षित प्रवासाची गरज... या सगळ्यामुळे भारतात 7-सीटर गाड्यांची मागणी वाढली आहे. तुमच्यासाठी कोणती गाडी बेस्ट ठरेल, ते पाहूया.
पेट्रोल आणि डिझेलच्या वाढत्या किमतींमुळे भारतीय कुटुंबांचं महिन्याचं बजेट कोलमडलं आहे. त्यामुळे आता कार खरेदी करताना लोकांचा दृष्टिकोनही बदलत आहे. आज अनेकजण केवळ लक्झरी लुकच नाही, तर कमी खर्च आणि मोठ्या कुटुंबासाठी पुरेशी जागा यालाही महत्त्व देत आहेत. यामुळेच 15 लाखांपेक्षा कमी किमतीच्या 7-सीटर गाड्यांची मागणी झपाट्याने वाढली आहे.
25
मारुती सुझुकी अर्टिगा
या यादीत मारुती सुझुकी अर्टिगा नेहमीच पुढे असते. विशेषतः सीएनजी आणि पेट्रोल पर्यायांमुळे ही गाडी मायलेजसाठी ओळखली जाते आणि त्यामुळेच कुटुंबांची ही पहिली पसंती आहे. कमी देखभाल खर्च हे देखील तिचं मोठं वैशिष्ट्य आहे. पण लक्षात ठेवा, या गाडीच्या काही लोकप्रिय व्हेरिएंट्ससाठी तुम्हाला अनेक महिने वाट पाहावी लागू शकते.
35
रेनॉ ट्रायबर
ज्यांचं बजेट कमी आहे आणि त्यांना 7-सीटर गाडी हवी आहे, त्यांच्यासाठी रेनॉ ट्रायबर एक महत्त्वाचा पर्याय आहे. शहरातल्या वाहतुकीसाठी ही गाडी उत्तम असून, तिची बदलता येणारी सीटिंग सिस्टीम आणि सेफ्टी फीचर्स लक्ष वेधून घेतात. ज्यांना थोडा प्रीमियम फील हवा आहे, त्यांच्यासाठी किया कॅरेन्स (Kia Carens) हा एक चांगला पर्याय आहे. सुरक्षितता आणि आरामदायी केबिनमुळे किया कॅरेन्सने बाजारात स्वतःचं वेगळं स्थान निर्माण केलं आहे. शहरातले रस्ते असोत किंवा लांबचा हायवे प्रवास, ही मॉडेल्स चांगला अनुभव देतात.
खडबडीत रस्ते किंवा ग्रामीण भागात प्रवास करण्यासाठी महिंद्रा बोलेरो निओ एक मजबूत पर्याय मानला जातो. तसेच, मोठ्या गटात प्रवास करायचा असेल, तर 8-सीटर महिंद्रा बोलेरो आजही बाजारात आपलं वर्चस्व टिकवून आहे. तिची साधी मेकॅनिकल रचना आणि विश्वासार्हता ही तिची मुख्य ताकद आहे.
55
कुटुंबासाठी प्रवासाची गाडी
कुटुंबासाठी कार खरेदी करताना फक्त किंमत पाहून चालणार नाही. इन्शुरन्समध्ये 'झिरो डेप्रिसिएशन', 'इंजिन प्रोटेक्शन' यांसारख्या अतिरिक्त सुविधा, डीलरकडून मिळणारी सूट आणि गाडीसाठी किती काळ थांबावं लागेल (वेटिंग पीरियड) याकडेही लक्ष द्या. पेट्रोल-डिझेल महाग झालं असताना, योग्य 7 सीटर गाडीची निवड तुमच्या कुटुंबाचा खर्च आणि आनंद दोन्ही एकाच वेळी बॅलन्स करू शकते.
