भारतात नवी बाईक घेताना लोक किंमत आणि मायलेजसोबतच रिसेल व्हॅल्यूचाही विचार करतात. भविष्यात नवी गाडी घेताना जुन्या गाडीला चांगला भाव मिळावा, अशी प्रत्येकाची इच्छा असते. जाणून घ्या सर्वाधिक रिसेल व्हॅल्यू असलेल्या काही लोकप्रिय बाइक्सबद्दल.
नवी टू-व्हीलर घेताना बहुतेक लोक आधी किंमत आणि मायलेज पाहतात. पण काही वर्षांनी गाडी विकायची झाल्यास किती किंमत मिळेल हेही महत्त्वाचं आहे. चांगल्या रिसेल व्हॅल्यूमुळे भविष्यात तुम्हाला चांगला परतावा मिळतो. जास्त काळ टिकणाऱ्या आणि विश्वासार्ह गाड्यांना सेकंड हँड बाजारात जास्त मागणी असते.
25
हिरो स्प्लेंडर, होंडा ॲक्टिव्हा
हिरो स्प्लेंडर ही भारतातील सर्वात विश्वासार्ह बाईकपैकी एक आहे. तिचं इंजिन साधं असल्यामुळे जास्त खर्च न करता वर्षानुवर्षे चांगली चालते. त्यामुळे २-३ वर्षांनंतरही तिला चांगली किंमत मिळते. तर, होंडा ॲक्टिव्हा स्कूटर सेगमेंटमध्ये प्रचंड लोकप्रिय आहे. स्मूथ रायडिंग आणि वापरायला सोपी असल्यामुळे ती सर्व वयोगटातील लोकांना आवडते. शहरांमध्ये सेकंड हँड बाजारात तिला मोठी मागणी आहे.
35
होंडा शाईन
ज्यांना थोडी जास्त पॉवर आणि फीचर्स हवे आहेत, त्यांच्यासाठी होंडा शाईन एक चांगला पर्याय आहे. ही बाईक 125cc सेगमेंटमध्ये दमदार कामगिरी आणि स्मूथ रायडिंगसाठी ओळखली जाते. जास्त काळ वापरल्यानंतरही ती चांगली रिसेल व्हॅल्यू देते. तर, बजाज पल्सर 150 तरुणांमध्ये खूप प्रसिद्ध आहे. तिचा स्टायलिश लूक आणि पॉवरफुल इंजिनमुळे सेकंड हँड बाजारातही ती आकर्षक ठरते. त्यामुळे तिची किंमत लवकर कमी होत नाही.
रॉयल एनफील्ड क्लासिक ३५० ही केवळ एक बाईक नाही, तर अनेकांसाठी एक फिलिंग आहे. तिचं रेट्रो डिझाइन आणि खास साउंड तिला एक वेगळी ओळख देतो. तिची किंमत जास्त असली तरी, वापरल्यानंतरही तिची व्हॅल्यू लवकर कमी होत नाही. काहीवेळा तर जुन्या मॉडेल्सना जास्त मागणी असते.
55
खास अनुभव आणि प्रीमियम फिलिंग
तुमचं बजेट कमी असेल आणि गाडी विकताना जास्त नुकसान नको असेल, तर हिरो स्प्लेंडर आणि होंडा ॲक्टिव्हा सुरक्षित पर्याय आहेत. चांगली कामगिरी आणि व्हॅल्यू दोन्ही हवी असेल, तर होंडा शाईन आणि बजाज पल्सर 150 उत्तम आहेत. पण जर तुम्हाला एक खास अनुभव आणि प्रीमियम फिलिंग हवी असेल, तर रॉयल एनफील्ड क्लासिक ३५० तुमच्यासाठी योग्य निवड ठरू शकते.
