Tamarind Storage Tips: आजीचा हा सिक्रेट फॉर्म्युला वापरा, चिंच कधीच काळी पडणार नाही
सार
रोजच्या वापरासाठी लागणारी चिंच एका छोट्या डब्यात काढून ठेवा. मोठ्या डब्याला सारखे ओले हात किंवा चमचा लावल्याने चिंच खराब होऊ शकते. चिंच वर्षभर टिकवण्यासाठी आजीने सांगितलेली ही खास ट्रिक नक्की वापरून पाहा.
Tamarind Storage Tips: तुमचीही चिंच काळी पडून खराब होतेय का? या सोप्या टिप्स फॉलो केल्या तर चिंच महिने न् महिने फ्रेश राहील!
स्वयंपाकघरात चिंच नसेल तर सांबार, रस्सम आणि आमटीची चव अगदीच अपूर्ण वाटते. त्यामुळे अनेक जण बाजारातून एकदम भरपूर चिंच आणून ठेवतात. पण पावसाळा आला की खरी अडचण सुरू होते. हवेतील ओलाव्यामुळे चिंच मऊ आणि चिकट होते. काही दिवसांतच ती काळी पडते आणि तिला बुरशीही लागू शकते.
मग एवढ्या महागाची चिंच वर्षभर फ्रेश कशी ठेवायची? यासाठी काही सोपे उपाय आहेत.
पहिली स्टेप: चिंचोके काढून ठेवा!
बाजारातून आणलेली चिंच तशीच डब्यात भरून ठेवू नका. त्यातील चिंचोके (बिया) पूर्णपणे काढून टाकणे खूप गरजेचे आहे. बियांमुळे ओलावा राहून चिंच लवकर खराब होऊ शकते. तुमची ही छोटीशी मेहनत चिंच जास्त काळ टिकवायला मदत करेल.
कोणत्या डब्यात साठवावी?
चिंच कधीही प्लास्टिक, ॲल्युमिनियम किंवा स्टीलच्या डब्यात ठेवू नका. चिंचेतील आंबटपणामुळे धातूवर रिॲक्शन होते आणि तिचा रंग बदलतो. त्यामुळे हवाबंद काचेची बरणी किंवा मातीचे मडके वापरणे हा सर्वात बेस्ट पर्याय आहे.
याशिवाय एक जुनी आणि पारंपरिक पद्धतही आहे. बरणीत चिंच भरताना प्रत्येक थरामध्ये थोडे खडे मीठ टाका. मीठ ओलावा शोषून घेते, ज्यामुळे चिंच लवकर खराब होत नाही.
चिंच जास्त असेल तर फ्रिजचा वापर करा!
जर चिंच खूप जास्त प्रमाणात असेल, तर तिचा कोळ काढून झिपलॉक बॅगमध्ये भरून तुम्ही फ्रिजमध्ये ठेवू शकता. दुसरा सोपा मार्ग म्हणजे, चिंच कोमट पाण्यात भिजत घाला, तिचा कोळ काढून पेस्ट बनवा आणि काचेच्या बरणीत भरून ठेवा.
शेवटी एक सर्वात महत्त्वाची टीप — रोजच्या वापरासाठी लागणारी चिंच एका छोट्या डब्यात वेगळी काढून ठेवा. मोठ्या डब्याला सारखे ओले हात किंवा चमचा लावल्याने आत ओलावा जाऊन चिंच खराब होऊ शकते.
या छोट्याशा टिप्स फॉलो केल्या तर पावसाळ्यातही चिंचेचा रंग, चव आणि ताजेपणा अगदी तसाच राहील.