नॉर्मल डिलिव्हरीचे आईलाच नाही, बाळालाही फायदे! वाचा संशोधनात काय समोर आले

प्रसूती वेदनादायी असते. या  वेदना कोण सहन करणार? सी-सेक्शनचा पर्याय आहे ना, असा विचार आजकाल केला जातात.  सी-सेक्शनमध्ये वेदना होत नसतील, पण दीर्घकाळात यामुळे काही समस्या निर्माण होऊ शकतात. त्या बाळ आणि आईलाही त्रासदायक ठरू शकतात. 

जेव्हा प्रसूतीचा विषय येतो, तेव्हा बहुतेक महिला सी-सेक्शनचा पर्याय निवडताना दिसतात. एकतर प्रसूती वेदना टाळता येतात आणि दुसरे म्हणजे प्रसूतीसाठीची वेळ तारीखआधीच ठरलेली असते. त्यामुळे जास्त वेळ थांबावे लागत नाही.  पण हे सी-सेक्शन सुरुवातीला आरामदायी वाटले तरी भविष्यात आई आणि बाळ दोघांसाठीही त्रासाचे ठरू शकते. 

  म्हणूनच  घरातील मोठी माणसे नॉर्मल डिलिव्हरीचा सल्ला देतात. नॉर्मल डिलिव्हरीसाठी काय करावे, याबद्दल ते टिप्स देत असतात. नॉर्मल डिलिव्हरी ही एक नैसर्गिक पद्धत आहे. ही आई आणि बाळ दोघांसाठीही चांगली असते. आज आम्ही तुम्हाला नॉर्मल डिलिव्हरीमुळे आई आणि बाळाला होणाऱ्या फायद्यांविषयी माहिती देणार आहोत.

यावर अनेक संशोधन (Research) झाले आहे. ८५ टक्के महिलांची नॉर्मल (Normal) डिलिव्हरी शक्य असते. आजारपण किंवा इतर कारणांमुळे केवळ १५ टक्के महिलांनाच सी-सेक्शन करावे लागते, असे संशोधन सांगते. पण ३० टक्के महिला शक्य असूनही नॉर्मल डिलिव्हरीऐवजी (Delivery) सी-सेक्शनचा पर्याय निवडतात. याचे कारण म्हणजे प्रसूती वेदनांपासून सुटका मिळवणे.

नॉर्मल डिलिव्हरीमुळे आई आणि बाळाला होणारे फायदे:
• नॉर्मल डिलिव्हरीने जन्मलेल्या बाळाला संसर्गाचा धोका कमी असतो.
• नॉर्मल डिलिव्हरी झालेल्या महिलेला चालण्या-फिरण्यात किंवा बसण्यात जास्त त्रास होत नाही. डिलिव्हरीच्या दिवसापासूनच ती आरामात बसून बाळाला दूध पाजू शकते. पण सी-सेक्शनमध्ये हे कठीण असते. आईला एक दिवस पूर्ण विश्रांतीची गरज असते. डॉक्टर एक-दोन महिने विश्रांतीचा सल्ला देतात, पण नॉर्मल डिलिव्हरीमध्ये महिला एका महिन्याच्या आतच आपली कामे स्वतः करण्याइतकी मजबूत होते.
• नॉर्मल डिलिव्हरी झालेल्या महिलेच्या पोटावर टाके नसतात. त्यामुळे तिला त्याबद्दल जास्त काळजी करण्याची गरज नसते. सी-सेक्शन झालेल्या महिलेला बाळासोबतच टाक्यांचीही काळजी घ्यावी लागते.
• दीर्घकाळची समस्या म्हणजे कंबरदुखी. सी-सेक्शन झालेल्या महिलांना पाठदुखी आणि कंबरदुखीचा त्रास जास्त होतो. काही महिलांना लठ्ठपणाची समस्याही जाणवते.
• पहिली डिलिव्हरी नॉर्मल झाली असेल, तर दुसऱ्यांदा आई होताना कोणतीही मोठी समस्या येत नाही. तेव्हाही नॉर्मल डिलिव्हरीची शक्यता जास्त असते. पहिली डिलिव्हरी सी-सेक्शनने झाली असेल, तर दुसऱ्यांदाही सी-सेक्शन करावे लागते.
• नॉर्मल डिलिव्हरीमध्ये बाळाच्या छातीवर दाब येतो. त्यामुळे अम्नीओटिक द्रव फुफ्फुसातून बाहेर येतो. हे बाळाला गर्भाशयातून बाहेर आल्यानंतर श्वास घेण्यास मदत करते. जन्मानंतरच्या सुरुवातीच्या दिवसांमध्ये बाळाला कोणताही श्वासोच्छवासाचा त्रास होत नाही.
• नॉर्मल डिलिव्हरीच्या वेदनांमुळे महिलेचा आत्मविश्वास वाढतो. तीव्र वेदना आणि शारीरिक आव्हानांना सामोरे जाण्यास महिला घाबरत नाही.