Relationship Astrology: प्रेमात लगेच दुखावली जातात 'या' ६ राशींची माणसे; यामध्ये तुमची रास तर नाही ना?

Relationship Astrology : ज्योतिषशास्त्रानुसार, काही राशीचे लोक खूप प्रेमळ आणि भावनिक असतात. ते दुसऱ्यांच्या आनंदासाठी स्वतःला त्रास करून घेतात. पण त्यांच्या याच स्वभावामुळे त्यांना नात्यांमध्ये नेहमीच दुःख आणि निराशा मिळते.

कर्क रास

चंद्राचं स्वामित्व असलेली कर्क रास 'जल' तत्त्वाची आहे. हे लोक स्वतःच्या आनंदापेक्षा दुसऱ्यांच्या सुखाला जास्त महत्त्व देतात. ते जसं प्रेम करतात, तसंच प्रेम समोरच्यानेही करावं अशी त्यांची अपेक्षा असते. याच कारणामुळे ते नात्यांमध्ये लवकर गुंततात आणि नंतर दुःखी होतात. पौर्णिमेच्या दिवशी तुपाचा दिवा लावून चंद्रदर्शन केल्यास नात्यांमध्ये योग्य अंतर राखायला मदत होते.

कन्या रास

बुध ग्रह स्वामी असलेली कन्या रास एकदा कोणाला आपलं मानलं, की त्यांच्यासाठी काहीही करायला तयार असते. पण लोक त्यांच्या या मवाळ स्वभावाचा गैरफायदा घेतात आणि काम झाल्यावर त्यांना दूर करतात. बुधवारी पक्षांना धान्य दिल्याने चांगल्या लोकांना ओळखण्याची क्षमता वाढते.

वृश्चिक रास

वृश्चिक राशीचे लोक बाहेरून कठोर वाटले तरी आतून खूप हळवे असतात. ज्यांच्यावर विश्वास ठेवतात, त्यांच्यासाठी जीव द्यायलाही तयार होतात. पण जेव्हा जवळचेच लोक त्यांच्या तीव्र प्रेमाला न समजता विश्वासघात करतात, तेव्हा त्यांच्या मनावर खोलवर जखम होते. दर मंगळवारी भैरवाची पूजा केल्याने मानसिक जखमांमधून लवकर बाहेर पडायला मदत मिळते.

मीन रास

गुरुचं स्वामित्व असलेली मीन रास सगळ्यांना चांगलंच समजते. लोक दाखवत असलेल्या खोट्या प्रेमावरही ते लगेच विश्वास ठेवतात आणि आपली गुपितं शेअर करतात. नंतर याच लोकांमुळे त्यांचा अपमान होतो आणि फसवणूक होते. गुरुवारी गरीब वयोवृद्धांना अन्नदान केल्यास त्यांची विवेकबुद्धी वाढते.

तूळ रास

शुक्र ग्रह स्वामी असलेली तूळ रास नात्यांमध्ये भांडणं टाळण्याचा प्रयत्न करते. यासाठी ते आपला स्वाभिमान बाजूला ठेवूनही तडजोड करतात. पण त्यांच्या या त्यागाचा इतर लोक आदर करत नाहीत आणि त्यांना मूर्ख समजून फायदा घेतात, ज्यामुळे त्यांना खूप दुःख होतं. शुक्रवारी घरात पांढऱ्या फुलांनी लक्ष्मीची पूजा केल्यास स्वाभिमान वाढण्यास मदत होते.

धनु रास

'अग्नी' तत्त्वाची धनु रास मनात एक आणि ओठांवर दुसरं असं वागू शकत नाही. ते स्वतःसारखेच इतरांनाही प्रामाणिक समजतात आणि स्वार्थी लोकांच्या जाळ्यात अडकतात. त्यांच्या स्पष्ट बोलण्याचा लोक अनेकदा चुकीचा अर्थ काढतात आणि त्यांचं मन दुखावतात. रोज सकाळी सूर्यदेवाला अर्घ्य (पाणी) दिल्याने त्यांना चांगली नाती जोडण्यास मदत होते.