Indoor Plants: AC रूममध्येही हिरवीगार राहतील ही 6 झाडं, उन्हाळ्यात घर दिसेल फ्रेश!

उन्हाळ्यात घरात AC लावावाच लागतो, पण त्यामुळे झाडं खराब होतात. काळजी नको! ही आहेत अशी ६ इनडोअर झाडं जी 18-25 डिग्री तापमानातही मस्त वाढतात. घराला सुंदर बनवण्यासाठी हे टिप्स नक्की वाचा.

घरात लावलेली झाडं दिसायला खूप सुंदर दिसतात, पण तापमानात थोडा जरी बदल झाला तरी ती लगेच कोमेजून जातात. आता उन्हाळ्यात तर प्रत्येक घरात कूलर-एसी वापरला जातो. अशावेळी झाडांना कुठे ठेवावं जेणेकरून ती सुकणार नाहीत, हा प्रश्न सगळ्यांनाच पडतो. झाडांची जात आणि त्यांचा स्वभाव बदलणं तर शक्य नाही. त्यामुळे, आपण अशी काही झाडं निवडू शकतो ज्यांना थंड तापमान मानवतं आणि त्यांची जास्त काळजी घेण्याची गरजही भासत नाही. चला तर मग, अशाच काही इनडोअर झाडांची यादी पाहूया, ज्यांना एसीच्या खोलीत राहायला आवडतं.

जाईचं झाड (चमेली) कसं वाढवायचं?

जाईचं झाड तुम्ही घरात किंवा घराबाहेर, कुठेही सहज वाढवू शकता. जर तुम्हाला नैसर्गिकरित्या घर सुगंधित ठेवायचं असेल, तर हे झाड नक्की लावा. हे झाड एसीच्या तापमानातही चांगलं वाढतं. फक्त त्याला थोडा सूर्यप्रकाश मिळेल अशा ठिकाणी ठेवा. जाईच्या झाडाला थोडी ओलसर माती आवडते.

मॉन्स्टेरा प्लांटचे फायदे

याला 'स्विस चीज प्लांट' (Swiss Cheese Plant) असंही म्हणतात. हे झाड थंड तापमानात आरामात वाढतं. म्हणजेच, तुम्ही याला एसी किंवा कूलरच्या खोलीत बिनधास्त ठेवू शकता. २५ डिग्री तापमानात याची पानं छान फुलतात. मॉन्स्टेराला थेट ऊन आवडत नाही आणि माती पूर्ण सुकल्यावरच पाणी द्या.

चायनीज एव्हरग्रीनची काळजी

हे झाड खूपच कणखर असतं. कमी प्रकाश आणि थंड तापमानातही ते सहज जगतं. १८ ते २४ डिग्री तापमानात हे झाड छान राहतं. पाणी देताना एक गोष्ट लक्षात ठेवा, माती सुकल्यावरच पाणी द्या. जास्त पाण्यामुळे मुळं सडू शकतात.

सक्युलेंट्स प्लांट लावण्याची योग्य पद्धत

सक्युलेंट प्रकारची झाडं पाण्याशिवाय जास्त काळ जगू शकतात. यांचं जाड खोड पाणी साठवून ठेवतं. त्यामुळे एसी-कूलरच्या थंड हवेचा त्यांना काहीच फरक पडत नाही. तुम्ही यांना एखाद्या बाऊलमध्ये किंवा छोट्या सिरॅमिक कुंडीत लावू शकता.

क्रोटन प्लांट कसा लावावा?

क्रोटनचं झाड दिसायला खूप सुंदर असतं. त्याची लाल-पिवळी पानं घराला एक वेगळीच चमक देतात. जर तुम्ही एखादं सुंदर इनडोअर झाड शोधत असाल, तर हा एक उत्तम पर्याय आहे. याला २०-२४ डिग्री तापमान असलेल्या खोलीत आरामात ठेवता येतं. फक्त उन्हाकडे थोडं लक्ष द्या.

अम्ब्रेला प्लांट

अम्ब्रेला प्लांटच्या चमकदार पानांपुढे पीस लिली आणि स्नेक प्लांटसुद्धा फिके वाटतील. विशेष म्हणजे, हे झाड एसी असलेल्या खोलीत वेगाने वाढतं. याला थेट आणि कडक उन्हापासून दूर ठेवा. याला अप्रत्यक्ष प्रकाश आणि माती सुकल्यावर पाणी देणं योग्य ठरतं.