इंडियन प्रीमियर लीगच्या १९ व्या सीजनला आजपासून सुरुवात होत आहे. पहिल्याच मॅचमध्ये RCB चा सामना सनरायझर्स हैदराबादशी होणार आहे. पण या मोठ्या सामन्यापूर्वीच रॉयल चॅलेंजर्स बंगळुरूला मोठा धक्का बसला आहे.
IPL 2026 चा फिव्हर चढायला काही तास शिल्लक आहेत. पण गतविजेत्या रॉयल चॅलेंजर्स बंगळुरू (RCB) ला सीजनच्या पहिल्याच मॅचआधी मोठा धक्का बसला आहे. सनरायझर्स हैदराबादविरुद्धच्या ओपनिंग मॅचपूर्वी टीमचं बॉलिंग डिपार्टमेंट अडचणीत आलंय. दोन महत्त्वाचे फास्ट बॉलर्स बाहेर झाल्यानं कॅप्टन रजत पाटीदारचं टेन्शन वाढलं आहे.
26
जोश हेजलवुड सामन्यापूर्वी बाहेर
RCB च्या बॉलिंग अटॅकचा सर्वात मोठा हुकमी एक्का म्हणजे जोश हेझलवूड. हेड कोच अँडी फ्लॉवर यांनी स्पष्ट केलंय की हा ऑस्ट्रेलियन पेसर टीममध्ये दाखल झाला आहे, पण तो पहिल्या मॅचसाठी उपलब्ध नसेल. एम. चिन्नास्वामी स्टेडियमसारख्या बॅटिंग फ्रेंडली पिचवर त्याची अनुपस्थिती RCB साठी मोठं नुकसान आहे. तो लवकरच टीममध्ये परतावा अशी मॅनेजमेंटची इच्छा असेल.
36
नुवान तुषाराला अद्याप NOC मिळालेली नाही
हेझलवूडच्या अनुपस्थितीत RCB ने श्रीलंकेचा पेसर नुवान तुषारावर आशा ठेवल्या होत्या, पण तिथेही निराशाच पदरी पडली. तुषारा फिटनेस टेस्टमध्ये फेल झाला आहे. इतकंच नाही, तर त्याला श्रीलंका क्रिकेट बोर्डाकडून (SLC) नो ऑब्जेक्शन सर्टिफिकेट (NOC) सुद्धा मिळालेलं नाही. त्यामुळे तोही सनरायझर्स हैदराबादविरुद्धच्या पहिल्या मॅचमधून बाहेर झाला आहे.
दोन स्टार बॉलर्स बाहेर गेल्यानं न्यूझीलंडचा पेसर जेक डफीच्या IPL डेब्यूची शक्यता वाढली आहे. डफीनं आतापर्यंत एकही IPL मॅच खेळलेली नाही. त्याच्यासोबत मध्य प्रदेशचा तरुण पेसर मंगेश यादवलाही प्लेइंग-11 मध्ये संधी मिळू शकते. RCB ने मंगेशला मिनी ऑक्शनमध्ये 5.20 कोटी रुपयांना विकत घेतलं होतं. मंगेशने सय्यद मुश्ताक अली ट्रॉफीमध्ये पाटीदारच्या कॅप्टन्सीखाली शानदार कामगिरी केली होती.
56
रजत पाटीदारसमोरील मोठे आव्हान
गतविजेत्या RCB चा कॅप्टन म्हणून रजत पाटीदारसाठी हे पहिलंच मोठं आव्हान आहे. टीममध्ये विराट कोहली आणि फिल सॉल्टसारखे स्टार बॅट्समन आहेत, पण तो अननुभवी बॉलर्ससोबत सनरायझर्ससारख्या मजबूत टीमचा सामना कसा करतो हे पाहणं इंटरेस्टिंग ठरेल. SRH कडे ट्रॅव्हिस हेड आणि हेनरिक क्लासेनसारखे स्फोटक बॅट्समन आहेत, जे RCB च्या बॉलर्ससाठी मोठी परीक्षा ठरतील.
