India T20 World Cup 2026 Win Creates Historic Records : T20 वर्ल्ड कप 2026 च्या फायनलमध्ये टीम इंडियाने न्यूझीलंडचा धुव्वा उडवत पुन्हा एकदा ट्रॉफीवर नाव कोरलं. या एका विजयाने भारताने फक्त कपच नाही, तर अनेक मोठे रेकॉर्ड्सही आपल्या नावावर केले आहेत.
ICC T20 वर्ल्ड कप 2026: टीम इंडियाने पुन्हा एकदा कमाल केली आहे... मायदेशात, आपल्याच प्रेक्षकांसमोर T20 वर्ल्ड कपची ट्रॉफी उचलली. फायनलमध्ये न्यूझीलंडला सहज मात देत भारताने सलग दुसऱ्यांदा आणि एकूण तिसऱ्यांदा वर्ल्ड कप जिंकला. फायनलमध्ये टीम इंडियाने २५५ धावांचा डोंगर उभारला आणि न्यूझीलंडला फक्त १९ ओव्हर्समध्ये १५९ धावांवर ऑलआऊट केलं. तब्बल ९६ धावांनी हा मोठा विजय मिळवला. टीम इंडियाच्या या जबरदस्त कामगिरीमुळे T20 क्रिकेटमधले अनेक मोठे रेकॉर्ड्स मोडले गेले. चला, त्यापैकी टॉप ५ रेकॉर्ड्सबद्दल जाणून घेऊया.
26
T20 वर्ल्ड कप जिंकणारा पहिला यजमान देश
T20 वर्ल्ड कपच्या इतिहासात आजपर्यंत कोणत्याही यजमान देशाला वर्ल्ड कप जिंकता आला नव्हता. टीम इंडियाने हा विक्रम मोडीत काढला. श्रीलंकेसोबत या मोठ्या स्पर्धेचं आयोजन करणाऱ्या टीम इंडियाने एक ऐतिहासिक विजय मिळवला. मायदेशात T20 वर्ल्ड कप ट्रॉफी जिंकून, 'यजमान देश वर्ल्ड कप जिंकत नाही' हा समज 'सूर्यसेने'ने खोडून काढला.
36
T20 वर्ल्ड कप इतिहासातील सर्वाधिक विजय
टीम इंडिया T20 फॉरमॅटची 'किंग' ठरली आहे. एकदा-दोनदा नाही, तर तब्बल तीन वेळा वर्ल्ड कप जिंकण्याचा पराक्रम केला. २००७ मध्ये पहिला T20 वर्ल्ड कप जिंकल्यानंतर, टीम इंडियाला दुसऱ्या कपसाठी एक दशकाहून अधिक काळ वाट पाहावी लागली. २०२४ मध्ये रोहित शर्माच्या टीमने विजय मिळवून वेस्ट इंडिज आणि इंग्लंडच्या (प्रत्येकी २ कप) बरोबरी केली. आता २०२६ चा वर्ल्ड कप जिंकून भारताने तिसरी ट्रॉफी नावावर केली आहे. तीन वेळा विश्वविजेता ठरणारा भारत हा एकमेव संघ आहे.
T20 वर्ल्ड कपच्या इतिहासात आजपर्यंत कोणत्याही टीमने सलग दोनदा वर्ल्ड कप जिंकला नव्हता. हा रेकॉर्ड आता भारताच्या नावावर आहे. २००७ पासून २०२४ पर्यंत भारत, पाकिस्तान, इंग्लंड, वेस्ट इंडिज, श्रीलंका आणि ऑस्ट्रेलिया या टीम्सनी T20 वर्ल्ड कप जिंकला, पण कोणतीही टीम सलग दोनदा चॅम्पियन बनली नाही. भारताने २०२४ आणि २०२६ मध्ये सलग वर्ल्ड कप जिंकून एक नवा इतिहास रचला आहे.
56
गंभीरचा रेकॉर्ड सॅमसनने मोडला...
टीम इंडियाचा स्फोटक ओपनर संजू सॅमसन 'गुरुला मागे टाकणारा शिष्य' ठरला आहे. त्याने T20 वर्ल्ड कप फायनलमध्ये कोच गौतम गंभीरच्या नावावर असलेला एक मोठा रेकॉर्ड मोडला.
आतापर्यंत T20 वर्ल्ड कपमध्ये न्यूझीलंडविरुद्ध सर्वाधिक धावा करण्याचा रेकॉर्ड गंभीरच्या नावावर होता. त्याने २००७ मध्ये ३३ बॉल्समध्ये ५१ धावा केल्या होत्या. पण मोदी स्टेडियममध्ये संजू सॅमसनने तुफान बॅटिंग करत फक्त ४६ बॉल्समध्ये ८९ धावा ठोकल्या आणि कोच गंभीरच्या डोळ्यादेखत त्याचा रेकॉर्ड मोडला.
गंमत म्हणजे, याच फायनलमध्ये इशान किशनने ५४ धावा आणि अभिषेक शर्माने ५२ धावा केल्या. म्हणजेच, न्यूझीलंडविरुद्ध सर्वाधिक वैयक्तिक धावा करणाऱ्या भारतीयांच्या यादीत गंभीर आता चौथ्या स्थानावर गेला आहे.
66
T20 वर्ल्ड कप इतिहासातील सर्वाधिक स्कोअर...
T20 वर्ल्ड कपच्या इतिहासात भारत आणि न्यूझीलंड यांच्यातील मॅचमध्ये सर्वाधिक स्कोअर १९० धावा होता, जो २००७ मध्ये किवी टीमने केला होता. आता भारताने २५५ धावा करून हा रेकॉर्डही मोडला आहे. ओपनर अभिषेक शर्मा आणि संजू सॅमसन, सोबतच इशान किशन आणि शिवम दुबे यांनी केलेल्या फटकेबाजीमुळे अहमदाबादमधील जगातील सर्वात मोठं स्टेडियमही लहान वाटू लागलं. यासोबतच सर्वाधिक धावांचा विक्रमही मोडला गेला.
