INDW vs SAW, Women's WC 2025 Final Live: इतिहास घडला! टीम इंडियाने महिला विश्वचषक 2025 जिंकत लिहिला सुवर्ण अध्याय

INDW vs SAW Final, Toss Update: महिला वनडे विश्वचषक 2025 चा अंतिम सामना भारत आणि दक्षिण आफ्रिका यांच्यात नवी मुंबईत खेळला गेला. प्रथम फलंदाजी करताना भारतीय संघाने 50 षटकांत 298 धावा केल्या आणि सामना जिंकला. 

IND W vs SA W, Women's World Cup Final 2025: भारतीय महिला संघाने महिला एकदिवसीय विश्वचषक 2025 चे विजेतेपद पटकावले आहे. अंतिम सामन्यात दक्षिण आफ्रिकेचा पराभव करून भारताने प्रथमच विश्वविजेतेपद पटकावले आहे. नाणेफेक गमावण्याव्यतिरिक्त, टीम इंडियाने या अंतिम सामन्यात दुसरी कोणतीही चूक केली नाही. प्रथम फलंदाजी करताना संघाने 298 धावा केल्या. शेफाली वर्माने अप्रतिम खेळी केली. त्यानंतर गोलंदाजीतही चमकदार कामगिरी करत आफ्रिकेच्या फलंदाजीला रोखले आणि इतिहास रचला.

बॅटनंतर शेफाली वर्माची चेंडूनेही कमाल

शेफाली वर्माने बॅटने 87 धावा केल्यानंतर चेंडूनेही चमकदार कामगिरी केली आहे. दक्षिण आफ्रिकेविरुद्धच्या अंतिम सामन्यात 2 मोठे बळी घेऊन तिने भारतीय संघाला विजयाच्या जवळ आणले. तिच्या खात्यात मारीजाने काप आणि जाफ्ता यांचे बळी आले. तिने 5 षटकांत 19 धावा दिल्या.

लॉरा वॉल्वर्ट भारतासाठी मोठा धोका

दक्षिण आफ्रिकेची कर्णधार लॉरा वॉल्वर्ट भारतीय महिला संघासमोर मोठे आव्हान म्हणून उभी राहिली होती. या स्पर्धेत सर्वाधिक धावा करण्याच्या बाबतीत ती पहिल्या क्रमांकावर आहे. तिने 8 सामन्यांच्या 8 डावांमध्ये 67.17 च्या सरासरीने 470 धावा केल्या आहेत. अंतिम सामन्यातही तिने शतक झळकावले. उपांत्य फेरीत इंग्लंडविरुद्ध तिने 170 धावांची शानदार खेळी केली होती. याशिवाय, तिने भारताविरुद्धच्या मागील गट सामन्यातही महत्त्वपूर्ण खेळी केली होती. या फलंदाजाचे सर्वात मोठे वैशिष्ट्य म्हणजे इतर फलंदाजांसोबत चांगली भागीदारी करणे. त्यामुळे भारतीय गोलंदाजांना तिला रोखणे अत्यंत आवश्यक होते.

दीप्ती-ऋचाची अप्रतिम भागीदारी

दीप्ती शर्मा आणि ऋचा घोष यांच्यात 35 चेंडूत 47 धावांची अप्रतिम भागीदारी झाली, ज्यामुळे भारतीय संघ या धावसंख्येपर्यंत पोहोचू शकला. दीप्ती शर्माने या अंतिम सामन्यात शानदार अर्धशतकी खेळी केली. तिने 58 चेंडूत 3 चौकार आणि 1 षटकाराच्या मदतीने 58* धावा केल्या. ऋचा घोषची बॅटही तळपली आणि तिने 24 चेंडूत 33 धावा केल्या. या भागीदारीमुळे टीम इंडिया 300 च्या जवळ पोहोचली.

शतकापासून हुकली शेफाली वर्मा

अंतिम सामन्यात शेफाली वर्माची बॅट चांगलीच तळपली. ती 78 चेंडूत 87 धावा करून बाद झाली. तिच्या बॅटमधून 7 चौकार आणि 2 षटकार आले. ती आपल्या शतकापासून फक्त 13 धावा दूर राहिली.

जेमिमा रॉड्रिग्सही बाद

जेमिमा रॉड्रिग्स या मोठ्या उपांत्यपूर्व सामन्यात पुन्हा एकदा भारतासाठी तारणहार ठरली होती. शेफाली वर्मासोबत तिने 62 धावांची भागीदारी केली. पण ती बाद होताच जेमिमाही 24 धावा करून बाद झाली.

भारत महिला प्लेइंग 11: स्मृती मानधना, शेफाली वर्मा, हरमनप्रीत कौर (कर्णधार), अमनजोत कौर, जेमिमा रॉड्रिग्स, ऋचा घोष (यष्टीरक्षक), दीप्ती शर्मा, राधा यादव, क्रांती गौड, श्री चरनी, रेणुका सिंग ठाकूर.

दक्षिण आफ्रिका महिला प्लेइंग 11: लॉरा वॉल्वर्ट (कर्णधार), ताझमिन ब्रिट्स, ॲनेरी डर्कसेन, मारिझान कॅप, सुने लुस, सिनालो जाफ्ता (यष्टीरक्षक), सीएल ट्रायॉन, नदीन डी क्लर्क, अयाबोंगा खाका, एनके बॉश, नॉनकुलुलेको म्लाबा.